Dezenvolvimentu Iha Formasaun Ba Assessores Jurídikus PDHJ
Date : 9-10-2012
Dili– Formasaun ne’ebe hala’o ba Assesssores Jurídikus nasionais hamutuk nain 21, kompostu husi Provedoria dos Direitos Humanos e Justiça (PDHJ) nain 4, Gabinete Prezidênsia nain 2, Ministeriu Justisa (MJ) nain 5, Parlamentu Nasional nain 10, ne’ebe halao iha Centro de Formação Jurídica Caicoli Dili, hahu iha Dezembru 2010 no remata iha Julhu 2012.
Xefi Departamentu Jurídico, Naasson M.A.M.D. Sarmento hateten katak, programa formasaun iha kontinuasaun ba faze espesializada sei halao iha fulan Agostu 2012 to’o fulan Janeiru 2013 ne’ebe kompostu husi formandus nain 4 husi PDHJ no nain 5 husi MJ.
Xefi Departamentu Jurídico hatutan katak, objetivu husi formasaun espesializada ne’e, formandus bele haklean liu tan kuñesimentu, nune’e bele asegura apoiu jurídiku ba Provedor no Provedoria hodi implementa PDHJ nia mandatu, halo analiza teknika ba fiskalizasaun no verifikasaun ba kompatibilidade husi kualker lei, regulamentu, despaxu administrativu, polítika no prátika ne’ebe vigora no kualker proposta lejislativa nia kompatibilidade ho direitu internasional kostumeiru no tratadu internasional sira ne’ebe vigora iha materia direitus humanus nian.
“Objetivu seluk mak atu garante Provedoria nia asesu ba informasaun pontual kona-ba dezenvolvimentu husi diploma legislativa sira ne’ebe relevante ho PDHJ nia mandatu, fo asisténsia teknika no jurídika tomak ba PDHJ nia servisu no mekanismu sira, bainhira nesesariu,” esplika Xefi Departamentu Jurídico.
Formadus husi PDHJ, MJ no PN hamutuk ho formadora Dra. Rita hala’o perquisa ba legislação sira
(keterangan foto ne’e saida……………………………….)