Ave Caicoli, Dili, Timor-Leste

info@pdhj.tl

  • tp

direitur ezekutivo apf halo enkontru ho staf pdhj

Date,  16 -07-  2007

Timor-Leste nu’udar nasaun foun ida iha milinium foun ne’e proklama ninia indepdensia iha fulan Maiu tinan 2002. Bazeia ba Artigu 27 Lei-Inan Timor-Leste nian, ne’ebé prevee ona kona-ba ezisténsia Provedór Direitos Humanos no Justisa, nu’udar órgaun indepedente ne’ebé iha knaar atu haree no buka hatán ba sidadaun sira-nia problema ne’ebé hasoru poder públiku sira no haree loloos hahalok sira, ne’ebé tuir lei no halo prevensaun no hahú prosesu tomak hodi haburas fali justisa.

Nune’e atu halo di’ak liu tan servisu Provedoria dos Direitos Humanos e Justisa (PDHJ) nian presiza mos halo relasaun no servisu hamutuk ho NGO nasionál no Internasionál inklui mos organizasaun ne’ebé hala’o knaar hanesan ho knaar PDHJ nian.

Iha loron 13 Jullu 2007 staf PDHJ husi area Direitos Humanos halo enkontru ho Sr. Anselmo Lee nu’udar direitur ezekutivo ba Forum Asia iha salaun enkontru PDHJ nian iha Caikoli Dili.

“ Liu husi enkontru ne’e Sr. Anselmo Lee  hateten katak  Forum Asia hakarak haree direitamente situasaun no servisu PDHJ nian. Nune’e mos ForumAsia prontu atu ajuda PDHJ iha parte treinamentu ninian,”.

 Iha enkontru ne’e Sr. Anselmo mos husu dezafiu saida mak PDHJ hasoru durante hala’o ninia knaar.

 “Dezafiu ne’ebé durante ne’e PDHJ hasoru seidauk iha lei ba sasin sira bainhira hato’o informasaun, nune’e violasaun direitos humanos barak maka akontese maibé dala barak sasin la brani atu fó informasaun ba PDHJ. Iha parte seluk autoridade sira seidauk iha kuinesimentu di’ak ba intrumentu  Direitos Humanos ne’ebé mak Timor-Leste ratifika ona. Nune’e bainhira atua situasaun ruma membros F-FDTL no PNTLsei  uza  forsa. hateten Adjunto Provedor Dr. Silverio Pinto Baptista”.

 Atu hasa’e kuiñesementu bezikú Direitos Humanos ba membros PNTL, F-FDTL, guarda prizaun no autoridade públiku sira seluk tenke iha treinamentu.

“Adjunto Provedór ba area Direitos Humanos ne’e hateten katak oras ne’e dau-daun PDHJ liu husi diresaun Direitos Humanos servisu hamutuk ho HRU-UNMIT, Rede Feto, Assosiasaun HAK, Asesor Direitos Humanos ba Primeiro Ministru, Prokuradores, Forum Tau Matan (FTM) hodi halo treinamentu ba PNTL iha distritu hotu”. 

Presiza informasaun kontaktu

Lady Ximenes, Informasaun & Relasaun Públika PDHJ

HP, 726 1843 ou 333 1071

 

Notisia seluk

PDHJ Realiza Formasaun Konaba Boa Governasaun no Direitus Humanus ba Líder Komunitáriu sira iha Ermera

Ermera, 7 Jullu 2025 –Provedór-Adjuntu ba Boa Governasaun, Rigoberto Monteiro, ofisialmente halo abertura ba formasaun loron tolu kona-ba governasaun di’ak, mediasaun, no direitus umanus...

Provedoria Propoin Pontu Fokál Lokál Hodi Mellora Atendementu Keixa Iha Covalima

Covalima, 24 juñu 2025 — Provedór Direitus Umanus no Justisa, Virgílio da Silva Guterres “Lamukan”, akompaña husi Diretór Delegasaun Territoriál Maliana PDHJ nian, Domingos...

PDHJ Husu Aliñamentu Lejizlativu Hodi Proteje Direitu LGBTQI+ No Defisiénsia iha Timor-Leste

Ermera, 18 juñu 2025 — Provedór Direitus Umanus no Justisa, Virgílio da Silva Guterres “Lamukan”, subliña katak promosaun diversidade no inkluzaun—partikularmente iha relasaun ho...

PDHJ Realiza Workshop Validasaun Loron Rua kona-ba Revizaun Tinan Lima ba Planu Asaun Nasionál ba Ema ho Defisiénsia

Dili, 16-17 Juñu 2025 —Provedoria Direitus Umanus no Justisa (PDHJ), liuhosi nia Unidade Asisténsia Jurídika, Administrativa no Peskiza (UAJAP), hala’o ho susesu workshop validasaun...
Skip to content