Manatutu – iha loron 21 to’o 23 Setembru 2015, Provedoria dos Direitus Humanus e Justiça (PDHJ) liu husi Diresaun Direitus Humanus, Departamentu Promosaun no Edukasun, hala’o programa sosializasaun ba estudante sira iha Eskola Secundaria Kristy Sword Laleia, Eskola Secundaria Kay Rala Manatutu no Eskola Secundaria St. Antonio Manatutu.
Moises Nazario Pereira, Xefi Departmanetu Promosaun no Edukasaun Direitus Humanus hateten, objetivu husi atividade refere hodi habelar informasaun kona-ba Papel PDHJ nian, direitus umanus baziku, direitu labarik no trafiku umanu.
Mosies hatutan ho meus refere hodi haklean estudante sira nia koñesimentu atu nune’e sira bele hatene sira nia direitu, nune’e mos hatene sira nia dever hanesan estudante iha eskola.
Diretur Eskola Secundaria Kristy Sword Laleia, Timotiu Sousa hato’o nia nia laran kontente no sente orgullu tanba liu husi meus atividade refere estudante sira bele hetan koñesimentu kona-ba materia ne’ebé fasilitador sira husi PDHJ hato’o. Nune’e Timotiu husu ba PDHJ atu programa identiku hala’o nafatin iha futuru. Tanba ho programa refere iha vantagen di’ak liu ba estudante sira liu-liu estudante sira maka oras ne’e iha klase 120.