Navigation

Provedór nia serbisu hetan orienta liuhosi identifikasaun no análize husi violasaun sira hasoru direitus umanus no boa-governasaun.

Hodi implementa ninia serbisu, Provedór uza ho luan tratadu internasionál sira direitus umanus nian ne’ebé Timor-Leste ratifika tiha ona nu’udar lejizlasaun prinsipál ne’ebé, aleinde Konstituisaun, tau-matan ba ema hotu nia direitus umanus no papél sira Estadu nian.

Violasaun sira hasoru direitus umanus hetan enkuadra iha Konstituisaun Timor-Leste nian no tratadu internasionál sira kona-ba direitus umanus ne’ebé aplika iha Timor-Leste. Violasaun lubuk ida hetan identifika tuir padraun direitus umanus.

Determinasaun kona-ba lista violasaun detallada ida sai nu’udar knaar ida kompleksu tebetebes ne’ebé presiza atualizasaun regulár liuhosi análize ba PDHJ nia serbisu. Iha-ne’e bele hetan asesu hosi lista ba violasaun sira-ne’ebé PDHJ uza daudaun.

PDHJ dezenvolve violasaun sira hasoru boa-governasaun bazeia ba prinsípiu sira administrasaun públika nian no mós estudu komparativu internasionál. Violasaun sira-ne’e estabelese hosi kategoria violasaun prinsipál haat: Inkompeténsia; Abuzu Podér; Mal-Administrasaun no Ilegalidade. Iha-ne’e bele hetan asesu hosi lista ida kompleta husi violasaun sira-ne’e no nia sub-kategoria sira.

This post is also available in: English, Portuguese