Navigation

Artigu 27(1) husi Konstituisaun hameno katak Provedór tenke independente hosi kualkér órgaun seluk ida. Tanba ne’e, Provedór la simu instrusaun hosi Prezidente Repúblika, Parlamentu Nasionál, Primeiru-Ministru ka Governu relasiona ho ninia asaun ka atividade sira.

Hodi garante independénsia ida-ne’e no atu evita konflitu sira interese nian, funsionáriu nia pozisaun hotu-hotu iha Provedoria sai inkompativel ho atividade ne’ebé hetan remunerasaun iha kompañia privada ruma ka órgaun ka kualkér empregu seluk ida nu’udar funsionáriu públiku ida (artigu 10 (3) husi Estatutu Provedór) Lei Orgánika mós hatete katak Provedór sei “hala’o ninia knaar sira ho independente hosi Governu no órgaun soberania sira seluk, partidu polítiku no entidade no podér sira seluk ne’ebé bele influensia ninia serbisu” (artigu 2 (1) husi Lei Orgánika).

This post is also available in: EnglishPortuguese