• website

    PDHJ Aloka Ofisial 48 Halo Monitorizasaun Ba Eleisaun Parlamentar 2017

    Dili : Iha loron 19 Juñu 2017, Instituisaun kontrolu ba eleisaun Parlamentar mak hanesan Provedoria dos Direitos Humanos e Justiça (PDHJ), Comisaun Anti Corupsaun (CAC) no Komisario Direitu Labaraik (KDL) realiza konferensia ba imprensa hodi publika ba públiku katak, ekipa konjunta entre instituisaun 3 ne’e deskola ba Munisipiu sira no Rejiaun Administrativa Espesial Oe-cusse Ambeno (RAEOA) atu halo observasaun no monitorizasaun ba atividade kampaña antes, durante no depois eleisaun tuir orario ne’ebé determina ona husi Comisaun Nasional Eleisaun (CNE).

    Provedor Dr. Silverio Pinto Baptista, liu husi konfrensia ba imprensa hateten katak, objetivu husi deslokasaun ekipa monitorizasaun husi institusaun 3 ne’e ba terreno hodi garante transparensia no justisa iha festa demokrátika ida neé, asegura katak direitu polítiku sidadaun timoroan sira implementa duni tuir padraun internasional nebeé regula iha kaktu Internasional kona-ba direitu sivil no polítiku, haré neutralidade funsionalismu públiku hodi labele involve iha kampanã polítika, no

    detekta iregularidade no mál administrasaun kona-ba uzu sasán estadu husi parte ajente públiku sira ba interese privadu ka grupu.

    Provedor, hatutan katak knár ne’ebé ofisial sira sei halao durante prosesu observasaun no monitorizasaun nia laran mak hanesan atu hare deit ba iha aréa rua ne’ebé importante maka direitus umanos no mos boa governasaun. Enkuantu iha aréa direitus umanus nian atu hare katak, sidadaun hotu-hotu presta sira nia direitu ba iha vota no kampaña nian lao ho livre no sira hetan asesu hotu-hotu garante tuir lei ne’ebé iha ka lae. Purtantu iha aspeitu boa governasaun nian atu hare katak oinsa atu halo prevensaun ba iha akontesementu ne’ebé ke iha, ezemplu hanesan uza patrimoniu estadu ou funsionariu públiku ne’ebé durante tempu kampaña tuir maibe la ho justifikasaun.

    Iha konfrensia ne’e, Provedor husu ba iha lideransa maximu partidus politikus iha diresaun nasional atu bele fó orientasaun ba militantes no simpatizantes partidu politikus ne’ebé hanesan funsionaariu públiku atu labele uza patrimoniu estadu hodi apoia ba kampaña no bandu involvimentu funsionariu públiku iha oras servisu ba kampaña.

    Nia hatutan, ofisial sira hala’o knár bazeia ba estatutu PDHJ ne’ebé iha tanba, PDHJ hanesan instituisaun estadu ne’ebé independente no hala’o nia knár tuir estatutu ne’ebé iha, entaun iha ne’eba importante maka halo monitorizasaun ba iha direitus umanus no mos boa governasaun ninian durante prosesu tomak ba iha kampaña no eleisaun nian.

    Atividade konfrensia ba imprensa ne’e loke husi Provedor Dr. Silvério Pinto Baptista no akompaña husi Adjuntu Komisaro Komisaun Anti Korupsaun Dr. Manuel B. Cortereal no Komisaria Direitu ba Labarik, Sra. Maria G. Barreto no ekipa monitoring sira hotu.

Comments are closed.