• pdhj aprezenta rezultadu peskija

    Date :  30-05-2012

    Dili – Iha tinan 2011 nia rohan to’o iha fulan Abril 2012, Provedoria dos Direitos Humanos e Justiça (PDHJ) Diresaun Nasional Direitus Humanus liu husi Departemento Monitorizasaun no Advokasia halo peskija ba eskola ensino baziku iha Distrito 3 mak hanesan Distrito Dili kompustu husi Eskola Ensino Baziku Filial Marinir, Ensino Baziku Filial Bebonok no Ensino Baziku Central Esperansa da Patria Becora, Distrito Manufahi kompustu husi Ensino Baziku Central Daisua, Ensino Baziku Central Babulu, Ensino Baziku Wesusu no Ensino Baziku Central Clacuc, no Distrito Covalima kompustu husi Eskola Ensino Baziku Central Suai, Ensino Baziku Loro, Ensino Baziku Central Ogues, Ensino Baziku Central Fohorem no Eskola Ensino Baziku Tashilin.

    Tan ne’e, iha loron 29 Maiu 2012, Departemento Monitorizasaun Direitus Humanus PDHJ nian aprezenta rezultadu peskija ho objetivu atu fo sai konkluzasaun  preliminar husi peskija konaba violensia iha eskola hasoru labarik sira iha Distrito 3 iha Timor Leste ba PDHJ, Instituisuan  relevante Governo  no Sociadade Sivil.

    Atu  haklean funsionariu PDHJ nian no konvidadus sira nian komprensaun relasiona ba kontestu luan husi violensia iha eskola hasoru labarik sira inklui kauza sosiolojiku, kultura no kauza sira seluk no atu promove diskusaun konaba posivel rekomendasaun no kna’ar PDHJ nian iha futuru.

    Xefi Departementu Monitorizasaun no Advokasia, Silvino Saldanha Pereira iha ninia aprezentasaun hateten, objetivu husi peskija atu foti dadus iha eskola konaba tipu violensia hasoru alunus nomos konaba forma reasaun violensia saida deit aplika husi professores sira.

    Nomos razaun husi peskija tamba bazeia ba lei PDHJ nian, politika Ministerio Edukasun zero violensia iha eskola, PDHJ hakarak halo peskija hodi foti informasun halo rekomendasaun ba instituisaun kompetente.

     

    Violasaun Direitus Humanus As Iha Covalima

    Dili – Tuir peskija ne’ebe hala’o husi Provedoria Direitus Humanus no Justisa (PDHJ) hatudu katak, Distrito ne’e halo violasun kontra direitus humanus  as liu mak Distrito Covalima.

    Xefi Departementu Monitorizasaun no Advokasia PDHJ, Silvino Saldanha Pereira informa katak Distrito seluk ne’ebe sai mos fatin ba violasaun direitus humanus mak Distrito Dili no Distrito Manufahi.

    “Hau hakarak hateten katak, husi rezultadu peskija ne’ebe ami nia ekipa monitorizasaun halo iha Distrito 3 ne’e hatudu katak, violasaun direitus humanus as liu mak iha Distrito Covalima,” informa Silvino Saldanha Pereira ba jornalista sira iha edifisiu PDHJ Caicoli-Dili, 29/5.

    PDHJ identifika mos katak autor principal halo violasaun direitus humanus barak liu mak professores sira tamba politika husi Ministerio Edukasaun nian hateten katak Zero Violensia eskola husi inisiativa ida ne’e mak koko atu hare tuir politika ME aplika iha eskola sira.

    “Karik indika autor professor balun komete violasaun direitus humanus tenke halo investigasaun halo halo rekomendasaun ba Ministerio kompetente,” Silvino hateten.

    Iha fatin hanesan Director ONG Forum Tau Matan (FTM) João Pequeno reforsa katak, PDHJ nian peskija pleminar ne’e diak tebes, maibe nia rezultadu ne’ebe fo sai ne’e seidauk klean.

    “Hau hakarak hateten katak, ” estudu preliminaria ne’e diak teb-tebes, maibe PDHJ nia aprezentasun ne’e seidauk klean no husi ami nia perspektiva rasik katak presija klean liu tan atu bele  halo komparasun husi estudu ne’ebe mak sira halo entre estudu ne’ebe mak uluk halo tiha ona husi UNICEF ho Planing International iha tinan 2006 no to’o ikus sira lansa relatoriu konaba violasuan hasoru labarik iha momentu neba todan tebes,” hateten João Pequeno.

     

    Públika husi Jornal Nacional Diario- loron 30 Maiu 2012, hal  capital, pag 13, may

     

     

     

     

    PDHJ Preparadu Halo Monitorizasaun Ba Kampanha ELPAR

    Dili – Provedoria dos Direitos Humanos e Justiça (PDHJ) preparadu ona atu halo monitorizasaun ba aktividade kampanha no eleisaun parlamentar iha loron 7 Julhu 2012.

    Director Nasional Direitus Humanus, Valerio Magno Ximenes haktuir katak, hahu iha Segunda (4/6), ekipa monitorizasaun PDHJ nian sei desloka ba Distrito hotu iha territoria laran hodi akompanha partidu politika sira nian.

    “Kada Distrito, ami tau ofisial PDHJ nian nain rua hodi hare konaba asuntu direitus humanus ho boa governasaun,” Valerio Magno Ximenes informa ba JNDiario iha Edifisiu PDHJ- Caicoli-Dili, Kuarta (30/5).

    Ekipa monitorizasaun PDHJ nian kuandu to’o iha Distrito tenki aprezenta an ba Komando Polisia Nasional Timor-Leste (PNTL) Distrito nian no autoridade lokais sira atu bele hamenus risku ba sira durante kampanha  parlamentar.

    “Ami sei halo observasaun dereitamenta no halo entrevista ba partisipantes, inklui mos seguransa sira iha neba,” informa Valerio.

    Se karik mosu violasaun ruma iha kampanha parlamentar, katak Valerio, PDHJ sei rekomenda ba instituisaun relevante no sei publika sai ba publiku liu husi komunikadu ofisial PDHJ nian.

    Públika husi Jornal Nacional Diario- loron 31 Maiu 2012, hal  justisa no seguransa, pag 14 , may