• PDHJ Asina Akordu Servisu Hamutuk Ho Instituisaun 4 Iha Jakarta-Indonesia

    Indonesia – Iha loron 25 to’o 26 fulan Agusto 2016, ekipa Instituisaun Provedoria dos Direitos Humanos e Justiça (PDHJ) lidera husi Provedor, Dr. Silverio Pinto Baptista, ne’ebé akomapañia husi Adunta Provedor, Secretariu Exekutivo no ofisial tekniku nain 2, Asina Akordu de Intendimentu ho Indonesia Institute for Conflict Transformation (IICT), Komnas Perempuan Indonesia (KPI), Pusat Mediasi Nasional (PMN) no Universidade Indonesia (UI).

    Iha oportunidade hanesan, Provedor no ekipa halo vizita kortezia ba Universidade Indonesia hodi koalia kona-ba asuntu treinamentu no programa estudu mestradu.

    Provedor hateten katak, objetivu husi asina akordu ne’e, atu hametin lasu amizade entre instituisaun no nasaun, kapasitasaun rekuru humanus no programa monitorizasaun konjunta iha fronteira entre nasaun Timor-Leste ho Indonesia.

    Serimonia asina akordu ne’e mos, partisipa husi Embaixador Timor-Leste ba Indonesia S.E. Alberto Xavier Pereira Carlos.