pdhj establese conselho consultivo

Date, 20-09-2007

Prevee ona iha Lei-Inan Timor-Leste iha Artigu 27 katak, Provedoria ba Direitus Humanus no Justisa (PDHJ) hanesan instituisaun Nasional ne’ebé indepedente iha Timor-Leste estabalese ho responsabilidade hala’o knaar iha area tolu  mak, Direitos Humanos, Boa-Governasaun no Anti-Korupsaun.

“Bazeia ba mandato ne’ebé iha, PDHJ establese ona Conselho Consultivo ida atu bele sai Konseleiro ba instituisaun PDHJ hanesan orgaun indepedente. Conseilho Consultivo ne’e kompostu husi organizasaun nasionais naun governamentais, asosiasaun no sindikatus nasionais no mos grupus minorias etnikus no relijiaun iha sosidade civil Timor-Leste no media.  Conselho Consultivo ne’e sei inagura iha loron 21 Setembro 2007 iha Hotel Timor, hateten Dr. Sebastião Dias Ximenes, Provedór.

“Liu tan Dr. Sebastião hateten objektivo hari’i  Conselho Consultivo ne’e atu bele prenxe kriteria ne’ebé establese husi Paris Principles ou Prinsipius de Paris ne’ebé iha kriteria ne’en (6) no Instituisaun nasionál direitos humanos hotu tenki kumpri kriterias sira ne’e tuir standar universal direitos humanos nian”.

 PDHJ Timor-Leste hanesan Instituisaun Nasionál Direitos Humanos seidauk prenxe criteria pluralismu hanesan criteria ida husi criteria neen (6) ne’ebé establese iha Prinsipius de Paris. Binhira kompara PDHJ ho komisaun Direitos Humanos iha rai seluk, sira-nia komisaun ne’e kompostu husi komisarius ne’ebé iha balansu jeneru, iha reprezentantes husi media, asosiasaun, sindikatos no grupu minoria ne’ebé repezenta sosiedade sivil hotu.

“Dr Sebastião esplika katak, durante ne’e PDHJ sai de’it kandidato membro ba Instituisoens Nasionais Direitos Humanos ne’ebé integra iha APF (Asia Pacific Forum) seidauk sai full member tanba seidauk prenxe criteria pluralismu. Tamba ne’e PDHJ hari’i Komisaun Konsultivo atu asegura pluralismo iha instituisaun PDHJ hanesan instituisaun nasional direitos Humanos, nune’e reuniaun annual nian mai iha Australia bele requere ba Forum ne’e atu sai plenu membro (full member)”.     

 Iha seremonia  Inagural Conselho Consultivo ne’e PDHJ konvida mos Prezidente Parlamentu Nasional (PN) Fernando de Araujo, reprezentantes husi Komisaun A no C iha Parlamentu Nasional, reprezentantes NGO nasional no internasionál. Iha konvidados no partisipantes sira-nia oin membros Conselho Consultivo sei asina karta da aseitasaun hodi hala’o sira-nia knaar nu’udar konseleiru ho kbi’it ne’ebé sira iha.

Molok hari’i Conshelo Consultivo ne’e, PDHJ hato’o ona apresiasaun bo’ot ba sociedade sivil no Organizasaun Non-Govermental (ONG) Nasional no media hodi ho laran kma’an hato’o sira-nia kandidatos hodi involve mos iha Conselho Consultivo Voluntário ba PDHJ ne’e.

Persiza informasaun Kontaktu

Lady Ximenes

Informasaun & Relasaun Públika PDHJ

Telemovel 726 1843 ou 333 1071