• PDHJ Fó Treinamentu Direitus Humanuas Ba Membru UPF Foun

    Dili – Proveoria dos Direitus Humanos e Justiça (PDHJ) hanesan instituisaun estadu nian, ne’ebé iha kna’ar importante atu proteje no promove direitus humanus no promove governasaun di’ak, tanba ne’e iha loron 6 Novembru 2015 servisu hamutuk ho Centro Formasaun da Polisia fó treinamentu direitus humanus ba membrus Polisia Unidade Fronteira (UPF) foun sira iha Akademia Polisia Comoro-Dili.

    Xefe Administrasaun Unidade Polisia Fronteira, Sr. João Baptista informa katak, treinador husi PDHJ ne’ebé mai fó materia ba UPF foun sira ne’e tamba hetan konvite husi Unidade Polisia Fronteira nian, hodi ba fó kapasitasaun ba membrus UPF foun sira tamba sira hanesan Polisia foun sira seiduk hatene lolos konaba saida mak direitus humanus.

    “Ami rasik mak konvida treinador sira husi PDHJ hodi mai fó materia balu iha ligasaun ho direitus humanus ba Polisia foun sira, atu nune’e iha koñesimentu konaba saida mak direitus humanus,”dehan João Baptista.

    Entertantu partisipante Nicolao Tolentino hanesan membru UPF foun senti urgulhu tebes ho materia direitus humanus ne’ebé fó husi treinador sira tanba bele amenta tan sira nia koñesiemtu hodi hala’o sira nia kna’ar ho di’ak.

Comments are closed.