• pdhj hala’o monitorizasaun iha fronteira

    Data, 02-07-2010

    Provedor dos Direitos Humanos e Justiça (PDHJ) liu husi Direção Nasionál Direitos Humanos no Direcção Nasional Boa-Governação hari’I ekipa rua hala’o monitorizasaun iha fronteira iha loron 21-26 Juñu 2010. Area fronteira ne’ebé ekipa monitorizasaun husi PDHJ hala’o monitorizasaun maka Citrana, Sakato, Oesilo, Passabe ho Cruz, (Oecuse) Memo, Tunubibi, Batugade (Bobonaro no Salele (Suai).

    Dr. Sebastião Dias Ximenes, Provedor hateten katak “ liu husi monitorizasaun ne’e atu haree situasaun aktual iha fronteira liu-liu haree ba asuntu relasiona ho seguransa, direito sosiál economico e cultural no servisu administrasaun imigrasaun autoridades fronteira nian no violasaun direitos humanos. Nune’e mós monitor sira  hasoru ho autoridade lokál sira hodi halo intrevistas.

     “Autoridade hirak ne’ebé grupu monitorizasaun husi PDHJ nian hasoru mak hanesan Administradór Distritu, Administradór Sub Distrito, Border Control, Xefe Suku, Polisia BPU  no komunidade sira ne’ebé hela iha area referee”  dehan Sebastião.

     Husi rezultadu monitorizasaun ne’e bainhira hetan faktus kona-ba violasaun direitos humanos no mal administrasaun PDHJ sei halo investigasaun no hato’o rekomendasaun ba órgauns kompetentes sira tuir Lei no 7/2004  ne’ebé fó mandatu ba PDHJ, Sebastião sublina”.

     Bazeia ba Konstituisaun RDTL Artigu 27, Provedor dos Direitos Humanos e Justiça nu’udar órgaun indepedente ida iha knaar atu haree no buka hatán sidadaun sira-nia problema sakar podér públiku, atu haree loloos hahalok sira ne’ebé tuir lei no halo prevensaun no hahú prosesu tomak hodi haburas fali Justiça.

    Presiza informasaun Kontaktu

    Lady Ximenes

    Informasaun & Relasaun Públika PDHJ

    Telemovel 7304260 ou 333 1071