pdhj hala’o workshop ba autoridade lokal.
Data, 07 – 04 – 2008
Provedoria dos Direitos Humanos e Justiça (PDHJ) liu husi divizaun Boa-Governasaun hala’o ona workshop durante loron tolu (25-27 Marsu) ba autoridade lokál sira iha Lequidoe, Remixio no Laulara.
Workshop ne’e ho tema papél autoridade lokál hodi kaer metin prinsípiu transparensia no akontablidade.
Dr. Amandio de Sá Benevides, adjunto Provedor hateten “liu husi workshop ne’e fó koñesimentu báziku kona-ba Governasaun ne’ebé transparente no iha akontablidade no respeitu ba direitu ema ida-idak nian”
“Ne’e hanesan meus ida hodi fahe informasaun ba autoridade lokál sira atu nune’e sira bele iha koñesimentu báziku ba Governasaun ne’ebé transparente no kria akontablidade hodi respeitu ba ema ida-idak nia direitu” hateten Dr. Amandio.
Partisipante iha workshop ne’e hamutuk ema na’in 150 mai husi Administradór sub distritu, xefe suku, xefe aldeia, polísia no konsellu suku sira ne’ebé pertense ba distritu Aileu.
Bazeia ba Konstituisaun RDTL Artigu 27, Provedor dos Direitos Humanos e Justiça nu’udar órgaun indepedente ida iha knaar atu haree no buka hatán sidadaun sira-nia problema sakar podér públiku, atu haree loloos hahalok sira ne’ebé tuir lei no halo prevensaun no hahú prosesu tomak hodi haburas fali justisa.
Presiza informasaun Kontaktu
Lady Ximenes
Informasaun & Relasaun Públika PDHJ
Telemovel 726 1843 ou 333 1071