Lautem – Provedoria dos Direitos Humanos e Justiça (PDHJ), Diresaun Governasaun Di’ak Departemento Promosaun no Edukasaun, Iha loron 26-28 fulan Agusto 2015 realiza trenamentu ba funsionáriu Ministériu Saúde iha Munisípiu Lautem. Treinamentu ne’ebé realiza ho tema,”hasa’e Koňesimentu Funsionalismu Públiku aha Area, Saúde hodi promove Governasaun Di’ak”. Treinamentu loron tolu ne’e, realiza bazeia ba akordu kooperasaun entre, Provedoria dos Direitos Humanos e Justiça (PDHJ), Inspesaun Geral do Estado, no Ministério Saúde liu husi Dirasaun Inspesaun Fiskalizasaun Auditorial.
Pesoal Saúde nebé,e partisipa iha treinamentu refere mak hanesan, infremeiros, Doutores, Parteiras,kargus xefias no mós Profisionais Saúde sira. Treinamentu durante loron tolu loke deretamente husi Inspetor Geral Estado, Francisco de Carvalho, Diretor Boa Governasaun PDHJ, Jose Manuel Fereira, Inspetor Geral Ministériu Saúde, Dirasaun Inspesaun Fiskalizasaun Auditorial, Domingos Rui Guterres, hamutuk ho formador nomos ekipa tomak.
Inspetor Geral do Estado (IGE), Francisco de Carvalho hato’o ba partisipante katak, hanesan instituisaun estadu dala ruma mosu mal administrasaun, abuzu de poder iha administrasaun estadu nian, tamba ne’e instituisaun tolu asina akordu ida fo treinamentu, hanesan meus ida hodi prevene.
Francisco hatutan hanesan instituisaun estadu nian dala ruma mosu problema oi-oin, tamba sira la hatene, maneja sasan estadu nian ho diak tan ne’e liu husi treinamentu bele fasilita funsionáriu sira atu prevene a’an husi mal administrasaun, abuzu de poder.
Entertantu Diretór Governasaun Di’ak PDHJ, Jose Manuel Fereira hatete, PDHJ hanesan instituisaun estadu nian ida ne’ebé independente, atu hare liu ba Governasaun Di’ak no Direitus Humanus.
Fereira hatutan, durante ne’e iha instituisaun balu utiliza sasan estadu nian, la tuir regras ho nune’e, liu husi treinamentu bele fó hanoin ba funsionáriu sira la bele monu ba sala no labele hetan xamada husi PDHJ no mos CAC.
Iha fatin hanesan, Inspetor Jeral Ministériu da Saúde, Diresaun Inspesaun Fiskalizasaun Auditorial, Domingos Rui Guterres realsa katak,objetivu husi treinamentu ba pesoal saúde, inklui xefia sira atu fo hanoin ba sira nune’e, sira bele kaer osan estadu nian no zere sasan estadu ho diak.
Nia rekoiñese katak, tereinamentu loron tolu ne’e la sufisiente ba partisipantes sira atu hatene diak governasaun díak, nia promete karik iha tempu tuir mai nia suzere, atu treinamentu ne’e, bele halao semana tomak nune’e partisipante sira bele hatene kléan kona ba governasaun diak.
Iha oportunidade ne’e, partisipantes Lolalina da Conseição Freitas hatete, nia parte senti urguilhu ho treinamentu refere tamba, ho treinamentu ne’e, bele fasilita funsionáriu Saúde sira bele hatene buat balu ne’ebé mak sira seidauk hatene. Nia parte agradese ba instituisaun tolu ne’ebé koopera hamutuk hodi kapasita sira durante loron tolu. Remata treinamentu, partisipántes sira simu sertifikadu husi instituisaun tolu.