Data, 24-09-2012
Distrito Likisa– Atu hasae kuñesimentu lideransa komunitaria sira nian kona-ba direitus humanos, analiza konflitu, trafiku umanu no mediasaun Provedoria dos Direitos Humanos e Justiça (PDHJ) liu husi direasaun nasional Direirus Humanos realiza treinamentu ba lideransa komunitaria sira iha Distritu Liquiça. Treinamentu ne,ebé hala’o hahu husi loron 15-19 Setembru 2012. Treinamentu ne,e realiza tanba servisu hamutuk entre PDHJ, Ministeriu Administrasaun Estatal (MAE) liu husi direasaun Nasional Administrasaun Apoiu Suku no Ministeriu Solidaridade Sosial (MSS) liu husi diresaun Nasional Asistensia Sosial.
Silverio Pinto Baptista, Adjuntu Provedor ba area direitus umanus hateten knaar importante ida PDHJ nian liu husi Diresaun Nasional direitus Humanos mak fó kapasitasaun ba lideransa komunitaria sira atu nune’e sira bele hatene sira-nia knaar nu’udar lideransa iha suku nia laran.
Silverio subliña katak, treinamentu ne,e nu’udar oportunidade di’ak ba lideransa komunitaria sira. Tanba materia sira ne,ebé hato’o husi treinador sira hanesan bukae ida ba lideransa komunitaria atu bele implementa iha suku nia laran. Tanba dala ruma ruma sira mós nu’udar parte ida ne’ebé sai autor ba violasaun direitus umanos karik tanba sira la hatene informasaun, karik sira hatene maibe la kohi implementa. Nune’e liu husi treinamentu ne’e bele hasa’e kuiñesimentu ba Xefe suku sira.
Materia treinamentu mak hanesan saida mak lideransa komunitaria, knaar lideransa komunitaria ligasaun ho direitus humanos, dever lideransa komunitaria, prinsipiu direitus humanos, dever estadu promove no protégé direitus humanos, dever lideransa komunitaria hodi protégé no promove direitus humanos iha komunidade, jeneru no direitus humanos, violensia domestika, responsalidade lideransa komunitaria ba violensia domestika, trafiku umanu, mediasaun no analiza konflitu.
Rosalina de Jesus Pires treinador husi PDHJ hateten katak sente urgullu tanba lideransa komunitaria sira iha interese no antosiasmo tebes hodi partisipa treinamentu to’o remata. Nune’e tuir Rosalina haree katak liu husi materia ne’ebé treinador sira fó partisipantes sira akapta duni tuir sira nia kapasidade mak iha.
Rosalina hatutan, liu husi treinamentu ne’e, lider komunitaria sira bele iha konhesimentu konaba analizasaun konflitu liu husi identifikasaun problema, abut ne’ebe hamosu problema no impaktu husi problema, ho nune’e lider komunitaria sir abele halo prosesu mediasaun ba kazu sivil ne’ebe mak akontese iha sucu laran.
Partisipantes iha treianemntu maka hanesan lideransa komunitaria no reprejentante feto iha suku nia laran hamutuk ema nain tolu nulu.
Bazeia ba Konstituisaun RDTL Artigu 27, Provedor dos Direitos Humanos e Justiça nu’udar órgaun indepedente ida iha knaar atu haree no buka hatán sidadaun sira-nia problema sakar podér públiku, atu haree loloos hahalok sira ne’ebé tuir lei no halo prevensaun no hahú prosesu tomak hodi haburas fali Justiça.
Presiza Informasaun Kontaktu
Lady Ximenes, Relasaun Públika PDHJ
Telemovel 77304260 Jóse Tefa 735 1412 ou 3331071