• PDHJ Realiza Treinementu Direitus Humanus Ba PNTL Munisipiu Oe-cusse

    Oe-cusse- Iha loron 7 to’o 11 Setembru 2015, Provedoria dos Direitos Humanos e Justiça (PDHJ) liu husi Diresaun Nasional Direitus Humanos, Departamentu Promosaun no Edukasaun realiza treinamentu direitus humanus ba membrus Polisia Nasional Timor-Leste (PNTL) iha salaun Polisia Munisipiu Oe-cusse.

    Provedor de Direitus Humanus no Justiça (PDHJ) Dr. Slverio Pinto Baptista iha nia abertura ba programa ne’e hateten, treinamentu ne’e nu’udar meus ida hodi hasa’e koñesimentu membrus PNTL sira nian.

    Provedor espera katak, ho meus refere mebrus PNTL sira bele protége sidadaun sira nia direitu, no ha’u hanoin meius ida ne’e hanesan dalan ida hodi bele aumenta koñesimentu PNTL sira nian, atu bele protége sidadaun sira nia direitu.

    Provedor sublina katak, ho dalan kapasitasaun sai nu’udar bukae ba membru PNTL sira atu nune’e bele garante lei no ordem ho professional tuir standarte maka iha.

    Arnaldo Araujo, Komandante PNTL Oe-cuse hateten, sente urgullu ba treinamentu refere hodi haklean koñesimentu membrus PNTL iha Oe-cuse hodi hala’o servisu ho di’ak liu tan.

    Arnaldo rekoñese katak liu husi materia treinamentu refere iha relasaun tebes ho servisu lor-loron membrus PNTL sira.

    Komandante husu ba partisipante sira hodi tuir treinamentu ho di’ak hodi bele hetan esperensia no ba oin bele aplika iha PNTL sira-nia servisu hodi mantein lei no ordem.

Comments are closed.