• PLANU ORSAMENTU GERAL DO ESTADU PDHJ 2013

    Date ; 7-09-2012

    DILI- Provedoria dos Direitus Humanus e Justiça (PDHJ) durante loron 2, husi loron 6 to’o 7 Setembru  realiza aktividade workshop iha edifisiu Caicoli-Dili kona-ba  Planu Orsamentu  Jeral  do Estadu (OJE) PDHJ nian ba tinan 2013.

    Iha abertura ba programa ne’e, Diretora Administrasuan no Financas, Luduvina das Neves Santana hateten katak, objetivu principal husi aktividade ne’e, atu identifika planu aktividade no orsamentu husi kada diresaun sira, hodi nune’e bele halo planu ida ne’ebe integradu ba instituisaun PDHJ nian iha periodu 2013.

    Aliende ne’e mos, Director Jeral, Aureor Jose  Antonio  Xavio husu ba Directores Nasionais no Xefi Departamentu iha instituisaun PDHJ nian, atu aprezenta planu aktividades no orsamentu  ida-idak nian ba 2013 bazeia ba planu estratejia PDHJ nian.

    Iha fatin hanesan, Provedor de Direitus Humanus e Justiça (PDHJ) Dr. Sebastião Dias Ximenes husu ba Directores Nasionais no Xefi Departamentus hotu, atu aprezenta planu aktividades nian no orsamentu ne’ebe mak prezisa ba aktividades ne’e.

     

    Provedor hatutan, ho aktividades ne’ebe tama ona, iha planu estratejia PDHJ nian iha tinan kotuk tenke kontinua, maske iha Orasamentu Jeral do Estadu (OJE) aloka ba instituisaun PDHJ ho montante ne’ebe ki’ik ka la to’o montante ne’ebe ita (PDHJ Red) hato’o liu husi proposta orsamento do estadu, maibe ita tenke kontinua nafatin ho programa ne’ebe  iha ona.

    Durante loron 2 realiza aktividade ne’e, Directores no Xefi Departamentu sira ida-idak halo aprezentasaun ba sira nia planu aktividades ba tinan 2013.

     

     

    Presiza informasaun kontaktu, Lady Ximenes 7304260, no Jose Tefa, 7351412 ou 3331071.

Comments are closed.