• Provedor Hato’o Rezultadu Servisu 2015 Ba Prezidente da Repúblika, Taur Matan Ruak

    Dili – iha loron 5 Janeiru 2016, Provedor Direitus Humanus no Justisa Dr. Silverio Pinto Baptista akompaña husi Dra. Jesuina. M. F. Gomes, MPA Adjunta Provedor ba área Boa Governasuan no Dr. Horacio de Almeida Adjuntu Provedor ba área Direitus Humanus, Diretor Jeral, Inspetor no Diretores Nasionais sira hasoru malu ho Presidente da Repúblika Sr. Taur Matan Ruak iha Palacio Prezidencial Prezidente Nicolau Lobato Aitarak Laran-Dili.

    Provedor Dr. Silverio Pinto Baptista hateten katak, objetivu hasoru malu ho Prezidente da Repúblika mak atu informa konaba servisu ne’ebé hala’o ona iha tinan 2015 nian inklui mos servisu balun ne’ebé realiza tiha ona iha tinan 2014, tanba desde ami (Provedor no Adjuntus Provedor Red) simu tomada de posse iha Parlamento Nasional iha tinan 2014 hodi asumi responsabilidade nudar Provedor no Adjuntus Provedor nian foin primeira vez mai hasoru malu ho Prezedenti da Repúblika.

    Provedor hatutan, servisu ne’ebe Instituisuan Provedoria halo mak hanesan servisu investigasaun liga ho keixas ne’ebé komunidades sira hato’o ba PDHJ, servisu monitorizasaun no servisu promosaun no edukasuan iha area direitus humanus no boa governasaun ne’ebé hala’o ona iha tinan kotuk.

    Provedor reforsa katak, Prezidente da Republika orguilho no louva ba servisu PDHJ nian ne’ebe hala’o ona durante ne’e, no husu nafatin ba PDHJ atu kontinua hala’o nafatin kna’ar ida ne’e.

    Provedor mos informa tan katak, iha tinan 2016, programa ne’ebe mak PDHJ atu implementa, ho orsamentu ne’ebe mak hetan ona aprovasaun husi Parlamento Nasional, maske orsamento ne’e ki’ik.

    “Ami sei kontinua hala’o ami nia programa ne’ebe mak tama ona iha planu annual. Atividade balun ne’ebe mak tinan kotuk ami hala’o, kontinua hala’o nafatin hanesan serivu investigasaun, monitorizasaun no promosaun no edukasaun”, dehan Provedor.

Comments are closed.