provedor partisipa enkontru anuál apf no konferensia biennial iha thailandia
Date : 12-09-2011
Provedor de Direitos Humanos e Justiça (PDHJ) Dr. Sebastião Dias Ximenes no Adjuntu Provedor ba area direitos humanos inklui funsionarius PDHJ ema nain 2 partisipa iha enkontru anuál Asia Pacific of National Human Rights Institution (APF) no konferensia Biennial ba dala 16 (16th Annual Meeting and Biennial Conference of the Asia Pacific Forum of National Human Rights Institutions) iha Bangkok Thailandia.
Enkontru anuál Asia Pacific Forum no konferensia Biennial husi Instituisaun Nasionál ba Direitos Humanos ne’ebé halaó iha loron 6 to’o 8 Setembru 2011 ne’e partisipa husi instituisaun ba direitos humanos ne’ebé sai membru permanente APF hanesan Afganistan, Australia, Banglades, India, Indonesia, Jordan, Malasya, Maldives, Mongolia, Nepal, Nova Zelandia, Palestina, Filipina, Qatar, Republica Korea, Sri Langka no Timor-Leste. Alein ida neé forum neé mos partisipa husi Presidente International Coordinating Committee of National Institutions (ICC) no reprezentante instituisaun nasional direitos humanos husi Banglades, Kazakhstan, Kyrggyztan no Oman, United Nations Office of the High Commissioner ba Direitos Humanos, United Nationas Development Programme, the United Nations Population Fund and UN Women, reprezentante Parlamentu ou Governu husi nasaun Australia, India, Indonesia Nova Zelandia, Pakistan, Palau, Samoa, Singapura, Sweden, Tailandia, United Arab Emirates no Vietnam. Nuneé mós reprezentante husi Association of South East Asian Nations (ASEAN), European Union and the Pacific Community, the Asia NGO network on National Institutions (ANNI) no mais ou menus 70 partisipantes internasional, regional no nasional, organizasaun naun governamental (NGOs) no reprezentantes husi instituisaun akademika. Sai uma nain ba enkontru ne’e mak Komisaun Direitos Humanos Nasional husi Thailandia.
“Topiku iha enkontru ne’e kona-ba direitos humanos en jerál. Topiku espesífiku mak kona-ba orientasaun sexual no identidade jéneru (Sexual orientation and gender Identity), People’s Dignity and Equality, progresu no difikuldade ba atu realiza direitu ba desenvolvimentu depois de tinan 25 adopta Deklarasaun direitu ba Desenvolvimentu, prosesu akreditasaun ba International Coordinating Committee (ICC).
Nuneé iha enkontru neé debate ba issu sira hanesan Human Rights Defender no development, the role of media no desenvolvimentu, rekursu naturais no desenvolvimentu no issu relevantes seluk hanesan funsaun instituisaun Nasional Direitos Humanos nasaun ida-idak nian.
Delegasaun husi PDHJ ne’ebé partisipa iha enkontru anuál ne’e mak hanesan Dr. Sebastião Dias Ximenes Provedor, Dr. Silverio Pinto Baptista, adjuntu Provedor ba area direitos humanos, Marina Bernadina Gaio, Tekniko Professional ba Promosaun no Edukasaun direitos humanos no Teresinha Ximenes, Tekniko Profesional Relasaun Publika.
Dr. Sebastião Dias Ximenes, rekoñese katak enkontru ne’e importante tanba membru sira bele fahe esperensia kona-ba atividade no dezafiu sira ne’ebé instituisaun Direitos Humanos sira hasoru durante halaó sira-nia knaar. Nune’e mós instituisaun foun Direitos Humanos ne’ebé foin harii hanesan PDHJ bele troka esperensia ho instituisaun seluk ne’ebé harii kleur ona no iha esperensia barak.
Provedor hatutan tan alein de enkontru kona-ba APF delegasaun husi PDHJ partisipa mós enkontru ba membrus Sout East Asia National Human Rights Institutions (SEANF) hanesan Indonesia, Malasya, Filipina, Thailandia no Timor-Leste. Iha enkontru koalia kona-ba planu estrategiku SEANF, material ba deklasaun direitus humanos iha ASEAN no planu atu realiza enkontru anual ba SEANF neébé tuir planu sei halaó iha Filipina iha loron 18-19 Outubro 2011. Iha enkontru neé membrus sira SEANF husu atu enkontru anual SEANF iha tinan 2012 atu halaó iha Timor-Leste. Nuneé liu husi Provedor nia intervensaun husu katak iha posiblidade enkontru SEANF so bele halaó iha tinan 2013 tanba iha tinan 2012 PDHJ halaó servisu monitorizasaun ba eleisaun Presidensial no Parlamentu Nasional neébé sei halaó iha tinan 2012.
Durante iha Thailandia Provedor ho delegasaun husi PDHJ mos hasoru malu ho Sra Jem Steves husi Assosiasun hapara tortura (APT) hodi koalia kona-ba PDHJ Timor Leste nia planu kapasitasaun iha area tortura.
Iha tinan haat liu ba PDHJ sai ona full member ba APF liu husi enkontru anuál ba dala 12 Asia Pacific Forum Instituisaun Nasionál ba Direitos Humanos ne’ebé momentu ne’ebá hala’o iha Sydney Australia.
Presiza Informasaun Kontaktu Lady Ximenes no Jose Tefa, Relasaun Públika PDHJ
Ho númeru telemovel: +670 735 1412 ou bele liu husi email; ladynhaximenes@yahoo.co.id