• sai jurkam no ekipa susesu ba kandidatu presidente, funsionariu públiku abandona servisu

    Date : 05-03-2012

    Dili – Tuir monitotorizasaun husi ekipa PDHJ hahu iha loron 29 Fevereiru no loron 2 Marsu 2012 iha Distritu 12 identifika katak funsionariu publiku balun sira abandona servisu hodi sai jurkam no mos sai ekipa susesu ba kandidatu presidente balun.

    Funsionariu publiku sira neé mai husi Ministeriu Saude,  Miniterio Edukasaun, MAEOT no Ministeriu Agrikultura. Dr. Rui Pereira dos Santos, Provedor Interino hateten katak, funsionariu publiku neébé abandona servisu balun kaer kargo maximu Ministeriu relevante iha Distritu, nuneé mós la iha karta ofisial ruma kona-ba delegasaun servisu ba funsionariu neébé halaó knar iha servisu fatin durante sira nia aujensia.

    Monitor PDHJ iha Ermera identifika katak, durante periodu kampanha, iha Ermera lider partidu balun husi Nasional no Distrital halo esploitasaun ba labarik sira hodi pinta sira nia oin ho bandeira, hodi uza labarik sira hodi  kaer spanduk kandidatu presidente sira nian.

    Alien ida neé durante kampana apoiantes no simpatisantes kandidatos Presidente sira nian barak maka utiliza patrimonia estadu no barak mos hasai sapa motor no kareta neébé ho sapa estadu. Nuneé mos utilizador motorizadas uza motor hodi diretamente aktivu partisipa kampanha hodi halo pawai.

    Kona-ba prosesu aprendisazen, Provedor Interino hateten katak, kampanha kandidatu presidente sira nian neébé besik liu eskola, afeta ba prosesu aprendizasem iha eskola balun hanesan iha Ermera no Same tanba estudante sira la bele konsentra hodi simu materia, nuneé mos alunus husi eskola balun abandona eskola hodi ba partisipa kampanha neébé kandidatu sira halaó besik iha sira nia eskola.

    Entertantu prosesu aprendisazen iha fatin balun laó normal hanesan iha Distritu Baucau tuir monitor PDHJ nia hare katak prosesu aprendijazen kontinua lao no mestre sira kúmpri sira-nia dever hanesan edukador ou pofessor.

    Kona-ba parte seguransa tuir monitorizasaun PDHJ katak, durante kampanha husi parte PNTL, UNPOL,CSP, no mos seguransa paralela mak fo seguransa ba kandidatu Presidente sira, nuneé durante prosesu kampanha lao ho diak, la iha intimidasaun, husi parte seguransa.  Provedor Interino hatutan katak PDHJ kongratula parte seguransa hanesan PNTL, UNPOL, CSP neébé halaó sira nia knaar ho diák. Nuneé PDHJ husu atu parte seguransa hatudu nafatin profesionalismu durante halaó sira nia knaar hodi garante lei no ordem.

     Entertantu kona-ba parte negosiu PDHJ simu lamentasaun husi komunidade sira iha Maubise, komunidade balun mos la kontente ho prosesu kampanna ne’ebe hala’o besik iha fatin negosiu hanesan merkadu tanba negosiante sira nia sasan ne’ebe sira faan la folin no la hetan rendimentu atu sustenta sira moris loro-loron.

    Presiza informasaun kontaktu, Lady Ximenes, 7304260. Dircia Xavier, 7119725 no Jose Tefa, 7351412