• Seminariu Kona Ba “O Papel do Sidadão no Desenvolvimento do Bem-Estar”

    Dili – iha loron 9 fulan Fevereiru, Provedor Interino atual Adjuntu Provedor ba área Diretus Humanus Dr. Horacio de Almeida hetan oportunidade sai nudar panel importante ba seminariu ho tema “ O Papel do Cidadão no Desenvolvimento do Bem-Estar” ne’ebé ho nia sub-tema koalia liu kona ba Paz, Justiça e Tolerância para Consolidar a Independência Nacional.
    Iha seminariu ne’e, Provedor Interino haktuir katak , papel Provedoria iha kontestu atu asegura politika festa demokrasia, tanba iha Konstituisaun RDTL artigu 27 iha ne’eba koalia kona-ba saida maka papel Provedoria nian.
    Povedor Interino haktuir, papel PDHJ nian maka atu simu keixa husi sidadaun hotu hasoru poderes públiku maibé la iha poder atu hakotu lia maibe sou hato’o rekomendasaun ba Ministério Públiku hodi halo prosesa.
    Mandatu Provedor nian laos hanesan Tribunal, Ministériu Públiku no sira seluk maibe nia hanesan non difusial. Non difusial signifika so nia hetan aktus violasaun direitus humanus no mos boa governasaun nian sei submete ba iha orgaun kompetente estadu nian hodi rezolve tuir mekanizmu internal ninian.
    Nia dehan, tanba vizaun ho misaun Provedoria nian mak oinsa atu proteje no promove direitus humanos no mos promove boa governasaun iha Timor-Leste.
    Aliende ne’e Provedoria sei monta nia ekipa monitorizasaun iha nivel Munisipiu hotu-hotu oinsa atu monitoriza ba iha lalaok eleisaun ne’ebé mak lao iha ne’eba, nune’e keta iha violasaun direitus humanus ka violasaun boa governasaun nian mosu.