• pdhj kontinua hala’o monitórizasaun iha parte leste

    Data, 25-09-2007

    Bazea ba konstituisaun RDTL artigu 27, Provedór dos Direitus Humanus e Justisa (PDHJ) nu’udar órgaun independenti ida iha kna’ar atu haree no buka hatan sidadaun sira-nia problema hasoru poderes publikus, hodi hare lolo’os hahalok sira tuir duni lei no halo prevensaun no hahu prosesu tomak hodi haburas fali Justisa.

    Nune’e mos Lei Provedor Direitus Umanus e Justisa No. 7/2004 Artigu 33 pontu (1) Provedor Direitus Humanus no Justisa nian iha dever atu mantein Ligasaun metin ho institusaun sira hanesan, orgaun no autoridade sira iha Timor Leste nia laran atu bele aselera politika no prátika komun sira no atu haburas kna’ar lisuk.

    Funsionarius PDHJ nain tolu hamutuk ho Assosiasaun Hak liu husi Divizaun Direitus Humanus sei kontinua hala’o nafatin monitórizasaun iha parte Leste liu-liu iha Distritu Viqueque no Baucau komesa husi loron 24 to’o 29 Setembru 2007. Monitórizasaun ne’e hanesan monitórizasaun ba darua ne’ebé hala’o husi PDHJ no Assosiasaun HAK hala’o ona. Monitórizasaun ba dala uluk monitór sira hala’o tiha ona iha loron 03 to’o11 Setembro liu ba.

    “Dr. Silverio Pinto Baptista, Adjunto Provedór hateten objetivu husi monitórizasaun ne’e atu halo aprosimasaun ba leader komunidade hodi bele haree no rejolve lalais problema ne’ebé akontese liu-liu iha distritu Viqueque atu nune’e populasaun bele moris hakmatek hodi hala’o sira- nia atividade lor-loron ho di’ak”.

     “Liu tan Dr. Silverio hateten monitórizasaun ba etapa ida ne’e hodi haree prosesu judisiariu iha tribunal distrital Baucau, inklui hala’o vizita ba fatin detensaun, prizaun hodi haree kondisaun detidu sira nian.


    Alien ida ne’e kontinua hala’o vizita ba fatin IDPs (Ema Deslokadu Internu) sira iha fatin ne’ebé refere. Iha parte seluk monitór sira  sei haree situasaun no difikuldades ne’ebé mak membrus F-FDTL no PNTL infrenta iha terrenu hanesan apoi ba ai-han, transportes  no fatin mahon (shalter)”.

     “Dr. Silverio husu ba kompania ne’ebé manan tender tenki hala’o sira nia servisu ho didiak atu nune’e bele distribui ai-han ne’ebé sufisiente ba membros F-FDTL no PNTL atu nune’e sira bele hala’o operasaun ho di’ak. Ba autoridade sira presiza fó apoi transportes ne’ebé di’ak ba membros F-FDTL no PNTL hodi bele fasilita sira nia servisu’.  

    PDHJ fiar no hein katak liu husi monitórizasaun ne’ebé iha sei hetan rezultadu ida ne’ebé di’ak hodi haree katak rezultadu monitórizasaun iha akontesementu ruma kona-ba violasaun DH ka lae. Bainhira iha monitórinzasaun mak hetan akontesimentu violasaun Direitos Humanos husi orgaun kompetentes ruma, entaun PDHJ sei halo rekomendasaun ba orgaun kompetentes ne’ebé mak iha relasaun ho akontesementu ba situasaun geral hatutan Dr. Silverio”.

     

     

    Persiza Informasaun Kontaktu

    Lady Ximenes, Informasaun & Relasaun Públika PDHJ

    Númiru Kontaktu 726 1843 ou 333 1071