Data, 25-03-2008
Depois de prolongasaun Estadu de Sitio, ekipa monitorizasaun husi Provedoria dos Direitos Humanos e Justiça (PDHJ) divizaun Direitos Humanos hala’o nafatin monitorizasaun ba situasaun jeral no iha sela Caicoli Dili. Depois de hala’o monitorizasaun ba situasaun seguransa Estado de Sitio PDHJ iha loron Kuarta 19 Marsu liu ba hato’o ona rejultado monitorizasaun ba orgaun soberano hanesan Prezidente, Parlamento Nasionál, Governu, PNTL no F-FDTL.
“Tuir Provedória dos Direitos Humanos e Justiça nia monitorizasaun katak, iha alegasaun tratamento a’at, hanesan baku, tuku no tebe husi polisia momentu halo kapturasaun ba ema no mós estraga vitima sira-nia beins. Nune’e mós tuir monitorizasaun PDHJ nian ba polisia durante Estado de Sitio katak polisia halo kapturasaun ba ema laiha surat mandatu kapturasaun maibé durante iha detensaun ema sira ne’e hetan tratamento di’ak” hateten Dr. Silverio Pinto Baptista, Adjunto Provedór.
Hahalok polisia nian ne’ebé iha halo kapturasaun ladun loos tanba tuir prosesu legal katak bainhira polisia ba halo kapturasaun tenke iha mandatu kapturasaun. Nune’e mós bainhira laiha flagrante deleitu, tenke iha mandau husi juiz atu halo detensaun.
Tuir Dr. Silverio bazeia ba rejultado monitorizasaun PDHJ nian katak ho situasaun Estado de Sitio afeita tebes atividade ekonomia sosial”. Tuir vendedores sira ne’ebé ekipa monitor hasoru no intrevista vendedores sira konfesa katak ho situasaun Estado de Sitíu fó inpaktu maka’as ba vendedores no peskadores sira-nia rendimento no afeitra mós ekonomia uma laran”.
“Iha parte seluk Dr. Silverio mensiona katak ekipa monitorin PDHJ mós hetan informasaun husi komunidade sira katak ho Estado de Siítu fó inpaktu ba atividade sosiokultura nian hanesan ema mate sira-nia familia labele tuir ritual ba matebian iha tempo kalan”.
Bazeia ba Konstituisaun RDTL Artigu 27, Provedor dos Direitos Humanos e Justiça nu’udar órgaun indepedente ida iha knaar atu haree no buka hatan sidadaun sira-nia problema sakar poder publiku, atu haree loloos hahalok sira ne’ebe tuir lei no halo prevensaun no hahu prosesu tomak hodi haburas fali justiça.
Persiza informasaun Kontaktu
Lady Ximenes
Informasaun & Relasaun Públika PDHJ
Telemovel 726 1843 ou 333 1071