• APF Realiza Enkontru Ho Plataforma Zoom

    Dili : Loron, 09 Setembro 2020, liu husi Provedora dos Direitos Humanos e Justiça, Jesuina Maria F. Gomes, akompanha husi Sekretariu Exekutivu, Aureo José A. Savio, no Técnico Espesializado ba Planeamento no relatorio, Joaozinho Machado, partisipa iha enkontru Geral Asia Pacific Forum (APF) ho plataforma zoom (enkontru virtual). Enkontru formal ne’e hala’o tinan ida dala ida no enkontru ida ne’e nu’udar rekerimentu legal APF nian hanesan organizasaun la ho lukru.

    Objetivu husi enkontru ne’e, atu fó oportunidade ba forum konsellhor no membru sira APF hodi revê oinsa APF operasionaliza sira nia serviço anu pasadu, hala’o eleisaun ba Prezidente APF no Adjunto Chefe APF inklui halo adopsaun ba politika no aprovasaun ba auditoria ba konta annual APF nian, rona aprezentasaun husi OCHHR kona ba asaun humanitaria durante pandemia Covid-19, membru sira APF nian fahe sira nia esperiensia kona ba gender mainstriming.

    Entertantu, PDHJ hanesan instituisaun nasional direitus umanus ne’ebé akreditadu ho estatutu A husi Global Alliance Of National Human Rights Institutions (GANHRI) fó nia votus ba kandidatu nain 5 husi India, Qatar, Coreia do Sul, Malaysia (SUHAKAM) no Australia, ikus mai Rosalind Croucher, Chefe NHRI Australia nian reeleitu hodi Chefia APF ba tinan 5 oin mai no nia Adjunta mak Young-ae Choi, Chefe NHRI Coreia do Sul.

    Entretantu partisipantes ne’ebé partisipa iha enkontru Annual Geral Asia Pacific Forum ho plataforma zoom (enkontru virtual) ne’e mak hanesan, Chairperson husi instituisaun  nasional direitos humanos, komisariu/a sira, secretário executivu/diretor jeral sira, inklui Diretur APF ho nia oficial sira, ne’ebé total partisipantes iha enkontru ne’e hamutuk 74.

Comments are closed.