• By On 26 April 2024 In Uncategorized

    Ekipa Integradu Quadrilateral Kompostu Husi PDHJ, KFP, IGE No CAC Realiza Enkontru Konjuntu Hodi Koalia Kona-Ba Extensaun Ba MoU
    Dili: Loron, 24 Abril 2024, Provedor Adjuntu Boa Governasaun, Sr. Rigoberto Monteiro, partisipa enkontru integradu quadrilateral ne’ebe kompostu husi Provedoria dos Direitos Humanos e Justiça (PDHJ), Komisaun Funsaun Públika (KFP), Inspesaun Geral de Estado (IGE) no Comissão Anti Corupsão (CAC) realiza enkontru kona-ba extensaun Memorandum of Undestanding (MoU), iha sala enkontru KFP-Matadoru-Dili.
    Objetivu husi enkontru ne’e, atu koalia kona-ba pontus-pontus iha MoU ne’ebé estabelese ona iha tinan hirak liu ba ho topiku koalia kona-ba, prevensaun no kombate korrupsaun atu promove governasaun di’ak no proteje direitus umanus iha administrasaun públika. Objetivu seluk atu halo evaluasaun ba servisu saida mak hala’o tiha ona no servisu saida mak seidauk halo durante servisu hamutuk, nomós fahe informasaun ba malu kona-ba servisu instituisaun ida-idak nian.
    Enkontru ekipa integradu kona-ba Boa Governasaun ne’e kompostu husi ne’e, Komisariu Comissão da Função Pública, Sr. Agapito da Conceição ho Komisariu, Sr. José Telo Soares Cristovão, Inspetor Jeral Estadu, Sr. Francisco de Carvalho, inklui Diretor Jeral Comissão Anti Corupsão , Sr. Luis Ersio de Jejus Ximenes Guterres.