Ave Caicoli, Dili, Timor-Leste

info@pdhj.tl

  • tp

ESTADO EMERJÊNSIA: Iha Periodu Estadu Emergensia ba datoluk (EE 3) Ro’o Berlin Nakroma Tula Passajeirus limite ± 150 Pesoas.

Oe-Cusse, 12 Junu 2020. Tuir monitorizasaun husi ekipa fiskalizador PDHJ iha Delegasaun Territorial (DT) Oe-Cusse, loron 12 Juñu 2020 iha Portu Kitahara Mahata kona-ba movimentu transporte maritíma publiku roo Berlin Nakroma (BN) fiskalizador sira identifika katak, durante Estadu Emergensia (EE) BN hala’o operasaun Dili no Oé-Cusse ba no mai semana ida dala ida.

Ofisial Trabalhador BN informa ba fiskalizador DT Oe-Cusse katak, roo Berlin Nakroma durante EE datoluk hala’o viajen Dili no Oé-Cusse nomos Atauro ba no mai semana ida dala ida.

Ofisial trabalador BN hatutan tan, durante iha periodu EE ba datoluk ro’o BN tula passaseiros limite mais ou menus ema nain 150. “Ministerio Transporte no Komunikasaun autoriza BN atu tula pasajeiros limite mais ou menus ema nain 150 durante kada viajen” dehan offisial trabaldor BN”.

Ofisial trbalhador BN esplika liu tan, durante EE ekipa Covid-19 prepara ekipamentus ba prevensaun Covid-19 hanesan desinfactan no termo scan bainhira tula pasajeiru sira.  Ekipa prevensaun Covid-19 sempre rega desinfectan ba pasajeiros nia isin lolon inklui sasan sira nomos koko termo scan ba pasajeiros molok roo ba no sai husi portu Kitahara-Mahata nomos portu Dili ba Oé-Cusse. “Ami sempre informa ba pasajeiros atu utiliza maskra durante hala’o viajen atu halo prevensaun ba Covid-19 bazeia ba regras EE hahu husi EE primeiru to’o EE terseiru” dehan trabalhador BN”.

Ofisial Trabalhador BN aumenta tan katak, semana oin roo Berlin Nakroma sei hala’o operasaun hanesan bai-bain (operasaun normal). Kona-ba folin bileti roo la iha mudansa.

Folin bileti roo Berlin Nakroma sei laiha mudansa, kada bileti ho folin $ 8.00 (Dolarres Amerikanu Walu). Nune’e mos kona-ba folin sasan depende ba tipu sasan ne’ebé mak pasajeiros sei lori hanesan, motor, kareta inklui mos sasan seluk” esplika Ofisial Trabalhador Berlin Nakroman”.

Bazeia ba rezultadu monitorizasaun ekipa fiskalizador sira relata katak, servisu PNTL RAEOA liu-liu servisu Unidade Polisia Maritima kontinua hala’o kontrollu nomos implementa regras EE datoluk nian ba pasajeiros bainhira sa’e no tun husi roo.

Kona-ba movimentu trasportes públiku sira hanesan, mikrolet, angguna no ojek  la’o normal. Motorista balun informa ba fiskalizador sira katak, sira-nia rendimentu menus tebes bainhira kompara ho tempu normal.

“Ami nia rendimentu durante iha EE la sufisiente. Ezemplu rendimentu kada loron $ 10.00 to’o $ 15.00 kompara ho tempu normal ami nia rendimentu kada loron $ 40.00 to’o $ 80.0. Razaun rendimentu ki’ik liu tanba pasajeiros menus nomos komunidade balu sei tauk ba pandemia Covid-19, esplika motorista sira”.

Notisia seluk

PDHJ Delega Ofisiál Superiór sira ba Programa Hasa’e Kapasidade Direitus Umanus nian iha Índia

New Delhi, Índia, 9 marsu 2025 - Provedoria Direitus Umanus no Justisa Timor-Leste (PDHJ) delega funsionáriu superiór na’in haat hodi partisipa iha Programa Empoderamentu...

PDHJ Apoia Esforsu Globál Hodi Hametin Ema Idozu Sira Nia Direitu

Jenebra, 13 marsu 2025 – Provedór ba Direitus Umanus no Justisa Timor-Leste nian, Virgílio da Silva Guterres ‘Lamukan’, no Provedóra-Adjunta ba Direitus Umanus, Maria...

PDHJ Haforsa Kompromísiu Globál ba Direitus Umanus no Igualdade Jéneru iha Enkontru Anuál GANHRI

Jenebra, 12 marsu 2025 - Provedór Direitus Umanus no Justisa (PDHJ) Timor-Leste reafirma nia kompromisu ba igualdade jéneru no protesaun ba direitu feto no...

PDHJ Hetan Akreditasaun Estatútu “A” husi GANHRI, Hametin Komitmentu ba Direitus Umanus

Jenebra, 11 marsu 2025 - Provedoria dos Direitos Humanos e Justiça (PDHJ) ofisialmente hetan re-akreditasaun ho estatutu “A” husi Aliansa Globál Instituisaun Nasionál Direitus...
Skip to content