2002-2004 : Restoration of Independence and Constitutional Entrenchment

2005 : Swearing in of the First Ombudsman

2006 : Timor-Leste’s political and military crisis – PDHJ successfully investigates PNTL and FFDTL actions

2007 : PDHJ accredited as an ‘A’ status NHRI by the international coordinating committee of NHRIs.

2008 -2010 : Consolidation of the Institution

2011 : Number of complaints received by the Provedoria reaches over 300 per year for the first time

From 2011 : Strategic Plan, Regulation of Structure and Strengthening of Networks

PDHJ hetan harii tuir Konstituisaun Repúblika Demokrátika Timor-Leste nian iha fulan Maiu tinan 2004, ne’ebé foka importánsia ba protesaun ida-ne’ebé maka’as ba direitos humanos iha Timor-Leste independente.

Tinan rua depois, vigora tiha estatutu ne’ebé fó baze legál nesesária ba funsionamentu PDHJ nian.

Depois de tentativa dahuluk atu eleje Provedór dahuluk la prenxe votu nesesáriu katoluk-rua (3/2) husi maioria parlamentár, maka iha votasaun daruak (da-2) iha fulan-Marsu tinan-2005, hetan susesu.

Provedór dahuluk (da-1), Dr. Sebastião Dias Ximenes, simu pose iha fulan-Juñu tinan ida-ne’e mós. Provedór-Adjuntu na’in-rua hetan hili no simu pose iha fulan ida-ne’e mós.

Iha loron 20 fulan Marsu tinan 2006, Provedór loke tiha ninia odamatan ba públiku ba dala-uluk.

Iha fulan Maiu tinan 2006, Timor-Leste hasoru krize polítika no militár, ne’ebé kauza ninia populasaun hamutuk kuaze katoluk-ida (1/3) sai dezlokadu internu. PDHJ hala’o monitorizasaun intensiva ba polísia no militár nia servisu sira, protesaun ba dezlokadu internu sira no hala’o investigasaun ida kle’an ba legalidade husi órgaun Estadu sira-nia asaun sira.

Prezidente Repúblika Demokrátika Timor-Leste nian, Primeiru-Ministru no Ministru Negósius Estranjeirus hetan bolu atu mosu iha PDHJ nia oin hodi fornese informasaun relasiona ho instituisaun públika sira-nia asaun sira molok no depoizde krize fulan-Maiu tinan-2006.

Iha Fulan Dezembru tinan 2008, PDHJ establese ninia sede regional iha Oe-Cusse. Ho establesimentu PDHJ iha Oe-Cusse fó atendementu ba komunidade sira iha aria ne’ebé relasiona ho mandatu PDHJ.

Iha tinan 2009, PDHJ establese ninia sede regional iha Baucau, Manufahi no Maliana. Ho establesimentu PDHJ iha Baucau hodi fó atendementu ba komunidade sira iha Distritu Baucau, Manatutu, Lautem no Viqueque. Nune’e Sede regional PDHJ nian Manufahi hodi fó atendementu ba komunidade sira iha Distritu Manufahi, Aileu no Ainaro. Enkuantu Sede Regional PDHJ iha Maliana hodi fó atendementu ba komunidade sira iha Distritu Bobonaro, Covalima no Ermera.

Iha fulan-Abríl tinan-2010, Dr. Sebastião Dias Ximenes hetan eleitu fila fali ba períodu daruak.

Durante tinan 2010 no 2011, PDHJ halo konsulta luan boot ida iha komunidade Timorese no parte interesada xave sira hodi dezenvolve ninia planu estratéjiku tempu-médiu dahuluk. Ida-ne’e inklui workshop no enkontru públiku sira. Planu estratéjiku finál hetan aprova hosi PDHJ no publika iha inísiu tinan2011.

PDHJ kontinua buras forte ba beibeik no dezenvolve ninia kapasidade institusionál. Nia rezultadu mak protesaun ne’ebé sei forte liután no komunidade ne’ebé hetan informasaun di’ak liu kona-ba direitos humanos no boa-governasaun.