PDHJ nia Estrutura Organizasionál ne’e tuir Lei Orgánika PDHJ nian.

Hetan lidera husi Provedór ho nia Provedór-Adjuntu sira, PDHJ nia xefia sénior maka Diretór-Jerál, ne’ebé superviziona diresaun nasionál haat:

Diresaun ba Asisténsia Públika: Nu’udar pontu kontaktu prinsipál ho públiku, simu no prosesa kesar sira.

Diresaun ba Direitos Humanos: Implementa tratamentu, monitorizasaun, promosaun no edukasaun ba kazu sira relasiona ho mandatu direitos humanos.

Diresaun ba Boa-Governasaun: Implementa funsaun sira relasiona ho boa-governasaun, inklui kestaun sira relasiona ho mal-administrasaun no legalidade husi asaun públika sira

Diresaun ba Administrasaun no Finansas: Fornese rekursus finanseiru, rekursus umanus, relasoins públikas, servisu lojístiku no aprovizionamentu hodi asegura atu PDHJ bele funsiona ho efetivu.

PDHJ mós posui Departamentu Asesoria Jurídika, Inspetoria no biblioteka.

Estrutura organizasionál maka hanesan hatudu tuirmai ne’e:

PDHJ posui Sede Rejionál haat iha territóriu Timorense, ne’ebé permite PDHJ atu besik liután ba komunidade no atu implementa ninia atividade sira ho maneira ida desentralizada. Kada Sede Rejionál posui responsabilidade espesífika  ba área jeográfika espesífika ida.

Sede Rejionál iha Baucau: Kobre distritu Baucau, Lautem, Manatuto no Viqueque.

Sede Rejionál iha Oecusse: Kobre distritu Oecusse

Sede Rejionál iha Same: Kobre distritu Manufahi, Ainaro no Aileu

Sede Rejionál iha Maliana: Kobre distritu Bobonaro, Ermera no Covalima

Distritu Dili no  Liquica hetan kobre husi Sede Dili.

This post is also available in: English Portuguese