Navigation

PDHJ nia vizaun mak atu proteje direitos humanos, hametin integridade no promove boa-governasaun iha Timor-Leste.

PDHJ nia misaun mak:

Edukasaun: Harii konxiénsia públika liu husi promosaun ba kultura ida-ne’ebé respeita prinsípiu sira direitos humanos nian, estadu-direitu no boa-governasaun.

Promosaun no kooperasaun: atu fornese motivasaun no asisténsia ba entidade no ajénsia públika sira hodi harii polítika, prosedimentu, formasaun no mekanizmu internu sira-ne’ebé promove direitos humanos no boa-governasaun.

Rezolusaun: Hodi ho efetivu tau-matan ba kestaun violasaun sira hasoru direitos humanos no mal-administrasaun liu husi uza mekanizmu sira-ne’ebé tau-matan ba kesar sira ho efetivu no liu husi prosesu ida-ne’ebé promove mediasaun no konsiliasaun.

Investigasaun, Inkéritu no Monitorizasaun: provizaun ba rekomendasaun sira kona-ba meiu no maneira sira atu proteje direitos humanos no boa-governasaun, bazeia ba rezultadu sira investigasaun, inkéritu no monitorizasaun (diretamente ka iha parseria ho parseiru sira iha sosiedade sivíl) ne’ebé atu garante konstitusionalidade husi desizaun lejizlativa sira, protesaun ba direitos humanos, fortalesimentu integridade no promosaun ba boa-governasaun iha Timor-Leste.

PDHJ nia valór prinsipál sira reflete padraun sira-ne’ebé nia aspira iha ninia servisu sira ba públiku no parte interesada sira.

–      Asesibilidade

–      Responsabilizasaun

–      Kredibilidade

–      Integridade

–      Efisiénsia

–      Direitu hanesan (iguál) ba mane no feto

–      Onestidade

–      Imparsialidade no Justisa

–      Independénsia

–      La iha diskriminasaun

–      Respeitu ba estadu-direitu

–      Transparénsia

–      Tratamentu ba sidadaun sira ho dignidade

–      Unidade nasionál

–      Ita-Boot bele lee Planu estratéjiku tinan 2011-2020 kompletu.

 

This post is also available in: EnglishPortuguese