Lansamentu Telenovela Laloran Justisa

Dili : Loron 18 Agostu 2017, Provedoria dos Direitos Humanos E Justica (PDHJ), serbisu hamutuk ho organizasaun naun governamental Asia Justice and Right (AJAR) no Uniaun Europeia mai Timor (UE) hala’o lansamentu ba primeira Telenovela ho titulu Laloran Justisa ne’ebé produs iha Timor-Leste husi ema Timoroan sira rasik. Lansamentu ne’e realija iha Timor PLAZA dili.

Liu hosi diskursu Provedor PDHJ Dr. Silverio P. Baptista haktuir katak, Telenovela ida ne’e hanesan primeira telenovela ne’ebé produs iha Timor leste no husi ema timoroan rasik ne’ebé, nia deskreve liu kona-ba valores fundamentais no prinsipiu sira direitus umanus no lei ni’an nuudar meius ida atu eduka no diverte ema timoroan sira.

Telenovela ne’e ho serie episodiu 20 kona-ba, igualdade generu, diskriminasaun, knaar polisia no judisiariu sira ba prosedimentu legal, liberdade ba informasaun, liberdade imprensa,  direitu ba traballador, direitu ba edukasaun, direitu ba ema defisiensia, no violensia domestika.

Entertantu telenovela ne’e rasik kria ho objetivu atu aumenta efektividade no haforsa impkatus husi knaar PDHJ nian bainhira hala’o nia mandatu konstitusional inklui atu eduka no habelar konesimentu husi hare na’in ka telespetadores sira nian, liu-liu kona-ba asuntu direitus umanus no lei nian.

aliende Programa ba telenovela ne’e rasik finansiadu husi Uniaun Europeia ne’ebé hanesan parte ida husi planu asaun UE nian kona-ba Direitus Umanus no Demokrasi hodi kontribui ba hametin kapasidade instituisaun nasional direitus umanus nian.

Maske nune’e lansamentu ne’e rasik realiza iha Timor PLAZA no hetan partisipasaun masimu husi partisipantesl Sosiedade sivil, Guvernu inklui konvidadus importantes balun.