• lideransa komunitariu manatutu husu ba pdhj hodi kontinua fo treinamentu kona-ba direitus humanos no mediasaun

    Date, 03-05-2011

    Provedoria dos Direitos Humanos e Justiça (PDHJ) presiza kontinua fó treinamentu ba lideransa komunitaria sira iha distritu Manatutu kona-ba direitus humanos no mediasaun. Lia hirak neé hatoó husi Administrador distritu Manatuto Elvino Bonoparte wainhira halo enseramentu ba programa treinamentu kona-ba direitus humanos no mediasaun ba lideransa komunitaria sira iha loron 29 Abril 2011 iha Manatutu.

    “Haú nuúdar administrador distritu fó nafatin oportunidade ba PDHJ liu husi diresaun nasional direitus humanos atu bele fó treinamentu ba lideransa komunitaria hodi bele kapasita lideransa komunitaria sira. Treinamentu hanesan bele realiza iha sub distritu sira iha distritu Manatutu, hatutan Administrador Manatutu”.

    Bonoparte espera katak material neébé lideransa komunitaria sira hetan ona husi treinador sira ida neé nuúdar bukae ida ba lideransa komunitaria sira atu bele rejolve kazu kiík sira neébé mosu iha komunidade nia leet.

    Sr. Valerio Magno Ximenes, Directur Nasional Direitus Humanos husi PDHJ hatoó agradesimentu ba lideransa komunitaria sira nia aproveitamentu iha treinamentu neé toó remata. “Maske informasaun neébé iha la barak maibe maske oituan PDHj fiar katak lideransa komunitaria sira bele hatutan ba ema seluk” Hatutan Valerio”.

    Treinamentu neé realiza tanba servisu hamutuk entre PDHJ liu husi direasaun nasional Direitus Humanos no Ministeriu Administrasaun Estatal (MAEOT) liu husi direasaun Nasional Administrasaun Apoiu Suku. Treinamentu ne’e hala’o durante loron lima (25-29 Abril 2011) ne’e nu’udar realizasaun husi akordu ne’ebé PDHJ liu husi diresaun Nasional Direitus Humanos asina ona ho MAEOT liu husi direasaun Nasional Administrasaun Apoiu Suku iha loron 8 Abril 2011 liu ba. Treinamentu konjunta entre PDHJ no MAEOT ho objetivu atu hasae kuinesimentu lideransa komunitaria sira nian kona-ba direitus humanos no mediasaun.

    Materia treinamentu mak hanesan saida mak lideransa komunitaria, knar lideransa komunitaria ligasaun ho direitus humanos, dever lideransa komunitaria, karakteristika, prinsipiu direitus humanos, dever estadu promove no protégé direitus humanos, dever lideransa komunitaria hod protégé no promove direitus humanos iha komunidade, jeneru no direitus humanos,  violensia domestika no responsalidade lideransa komunitaria ba violensia domestika no mediasaun.   Tuir planu treinamentu hanesan sei hala’o iha Timor laran tomak maibe iha tinan 2011 sei hala’o uluk iha distritu balun hafoin programa ne’e sei kontinua iha tinan 2012.

     Bazeia ba Konstituisaun RDTL Artigu 27, Provedor dos Direitos Humanos e Justiça nu’udar órgaun indepedente ida iha knaar atu haree no buka hatán sidadaun sira-nia problema sakar podér públiku, atu haree loloos hahalok sira ne’ebé tuir lei no halo prevensaun no hahú prosesu tomak hodi haburas fali Justiça.

     

     

     

     

    Presiza Informasaun Kontaktu

    Lady Ximenes, TP Relasaun Públika PDHJ

    Telemovel 7304260