Dili: Loron, 22 Abril 2024, Provedoria dos Direitos Humanos e Justiça (PDHJ) liu husi Provedor de Direitos Humanos e Justiça, Sr. Virgílio da Silva Guterres “Lamukan” ho Organizasaun Naun Governamental (ONG) CEPAD liu husi Diretor Ezekutivu, Sr. João Boavida, Asina Nota Entendimentu ida kona-ba, ne’ebé maka entre em vigor iha loron 22 Abril 2024 no sei remata iha loron 30 Juñu 2024. CEPAD hanesan ONG ne’ebé nia servisu hala’o peskiza sira kona-ba persepsaun survey governasaun di’ak iha Timor-Leste. Nota Entendimentu ida ne’e selebra atu implementa programa planu estratejiku PDHJ 2024-2028 nian kona-ba sensibilizasaun direitu no Liberdade fundamental ba poder publiku liu husi atividade peskija persepsaun ba iha implementasaun direitus umanus no governasaun di’ak iha governu nia programa no políitika sira. Iha Nota Entendimentu ne’e parte rua sei servisu hamutuk atu fornese vizaun jeral hqanesan estudu preliminariu ba grand design persepsaun survey governasaun di’ak hare liu kona-ba implementasaun prinsipiu 10 governasaun di’ak, bai ha Ministeriu. Institutu Públiku, Empreza Públika, instituisaun autonoma no Prezidentie Autoridade RAEOA, ho tarjetu bai ha kargu sira hanesan Diretur Jer’al ka ekivalente, Diretur Nasionál, Prezidente Autoridade RAEOA, ne’ebé maka servisu iha area planeamentu no finansas. Nota entendimentu ne’e parte rua selebra iha Sala Biblioteca PDHJ, Caicoli. Bazeia ba Artigu 2o no Artigu 7o iha Dekretu Governu No. 1/2009, 18 Fevereiro, kona-ba rejime juridiku subvensaun publica. Serimonia ne’e partisipa mós husi Provedor Adjunto Boa Governasaun, Sr. Rigoberto Monteiro, Diretur Ezekutivu, Sr. Ambrosio Graciano Soares, Chefe Unidade Asistensia Juridika, Administrativa e Pesquisa, Sra. Filomena Dias, ho nia Ofisial sira inklui ekipa CEPAD.