pdhj fó treinamentu ba pntl no halo monitorizasaun iha oecusse.

Data, 12-02-2010

Iha loron 15 to’o 21 Fevereiru 2010 Provedoria dos Direitos Humanos e Justiça (PDHJ) liu husi diresaun Nasionál Direitos Humanos sei fó treinamentu ba membrus PNTL iha distritu Oe-Cusse. Alien ida ne’e Departamentu Monitorizasaun iha diresaun Direitos Humanos no Boa-Governasaun mós sei hala’o monitorizasaun ba seguransa Ai-han no violasaun direitos humanos em jerál iha Oe-Cusse.

 “PDHJ hola inisiativa hodi halo treinamentu ba membru sira PNTL iha distritu Oe-Cusse atu bele aumenta koñesimentu ba PNTL sira kona-ba Lei Direitos Humanos, Knaar PDHJ hodi promove no protégé Direitos Humanos. hateten Dr. Valerio Magno Ximenes, Director Diresaun Nasionál  Direitos Humanos (PDHJ)  

 Valerio hatutan katak hatutan “ alien de fó treinamentu ba PNTL sira, staff PDHJ husi departamentu monitorizasaun iha divizaun Direitos Humanos no Boa-Governasaun mós sei hala’o monitorizasaun ba seguransa ai-han no monitorizasaun ba eskola Primaria iha Oe-Cusse”.

 “ Objetivo husi atividade ne’e hodi prevene labele akontese tan violasaun direitos humanos no prosesu kapturasaun, asegura ema asesu ba ai-han, labarik hotu asesu ba edukasaun no merenda eskolár ne’ebé oras ne’e la’o iha eskola primaria iha enclave Oe-Cusse” hatutan Valerio.

 Entretantu matéria treinamentu ba PNTL sira mak hanesan knaar PDHJ, Direitos Humanos Báziku, CEDAW, Violénsia bazeia ba jéneru, polítika uza forsa no tortura, hatutan Valerio.  

 Bazeia ba Konstituisaun RDTL Artigu 27, Provedor dos Direitos Humanos e Justiça nu’udar órgaun indepedente ida iha knaar atu haree no buka hatán sidadaun sira-nia problema sakar podér públiku, atu haree loloos hahalok sira ne’ebé tuir lei no halo prevensaun no hahú prosesu tomak hodi haburas fali Justiça.

Presiza informasaun Kontaktu

Lady Ximenes

Informasaun & Relasaun Públika PDHJ

Telemovel 7304260 ou 333 1071