pdhj hala’o monitorizasaun iha bobonaro no suai relasaun ho issu ninja.
Date, 03-03-2010
Provedor dos Direitos Humanos e Justiça (PDHJ) forma ona grupu ida hodi hala’o monitorizasaun ba iha Maliana, Cailaco, Bilimau, Suai no Ainaro neébé lidera husi Provedor Adjuntu Direitos Humanos relasiona ho issu ninja hahú iha loron 1 to’o loron 9 Marsu 2010.
Dr. Silverio Pinto Baptista, Provedor Adjuntu ba area direitos humanos hateten katak “ liu husi monitorizasaun ne’e atu haree assaun autoridade sira nian hasoru ema ne’ebé indika involve iha grupu ninja. Nune’e mós monitor sira sei hasoru ema ne’ebé hatama keixas ba PDHJ relasaun ho issu ninja no inpaktu issu ninja hasoru komunidade em jerál iha área refere”.
“Autoridade hirak ne’ebé grupu monitorizasaun husi PDHJ atu hasoru mak hanesan Administrador distritu, administradór sub distritu, sefe Suku, Xefe Aldeia no lider komunitaria sira, autoridade ne’ebé halo asaun no vítimas sira” dehan Silverio.
“Liu husi monitorizasaun ne’e monitor sira mós husu ba komunidade sira kona-ba sira-nia sentimentu ba seguransa relasaun ho operasaun ne’ebé parte seguransa sira halo, relasaun ho issu ninja,” hatutan Dr. Silverio.
Hafoin monitorizasaun PDHJ sei halo planu hodi fahe informasaun ba komunidade sira iha área referee. Kuandu iha violasaun direitus humanos ne’ebé hala’o husi autoridades kompetentes sira sei hala’o investigasaun tuir Lei no 7/2004 ne’ebé fó mandatu ba PDHJ, Silverio sublina”.
Bazeia ba Konstituisaun RDTL Artigu 27, Provedor dos Direitos Humanos e Justiça nu’udar órgaun indepedente ida iha knaar atu haree no buka hatán sidadaun sira-nia problema sakar podér públiku, atu haree loloos hahalok sira ne’ebé tuir lei no halo prevensaun no hahú prosesu tomak hodi haburas fali Justiça.
Presiza informasaun Kontaktu
Lady Ximenes
Informasaun & Relasaun Públika PDHJ
Telemovel 7304260 ou 333 1071