Ave Caicoli, Dili, Timor-Leste

info@pdhj.tl

  • tp

pdhj halo ona monitorizasaun

Date: 09-06-2011

Provedoria dos Direitos Humanos e Justiça (PDHJ) liu husi Diresaun Nasional Direitus, Departementu Monitorizasaun no advokasia iha loron 6 Junho 2011 halo ona monitoriazasaun ba akontesimentu neébé akontese iha loron 3 to’o 5 junhu 2011 neébé membru Task Force baku juventude aldeia Au-hun Sucu Becora.  .

Dr. Silverio pinto Baptista, Adjuntu Provedor ba area direitus Humanos hateten katak “tuir rezultadu monitorizasaun  mak iha alegasaun violasaun direitus humanus mak komete husi autor membrus Task Force”.

Adjuntu Provedor neé hatutan tan katak tuir PDHJ nia monitorizasaun iha alegasaun katak polisia tiru, baku, tuku, tebe, sama no halo intimidasaun ba iha komunidade aldeia Au-hun. Husi alegasaun neé iha indikasaun forte katak wainhira polisia halo atuasaun ba iha akontesiemntu neé membrus polisia referee uza forsa maka’as.

Entertantu Iha loron  16 Maiu 2011, Departementu monitor PDHJ ba halo monitorizasaun konaba alegasaun violasaun direitus humanus iha  loron 15 Maiu 2011, husi membru F-FDTL nain ida hasoru vitima (LM) iha sucu Mascarinhas (Balide de Baixu) alegasaun  ne’e rezulta vitima hetan kanek todan no lori ba iha ospital ikus mai vitima ne’e mate. Alegasaun violasaun refere iha fatin vitima hela ba halo vizinhu sira sai tauk ba hahalok a’at husi membru F-FDTL ne’e.

Bazeia ba akontesimentu ne’e, Provedor obserba katak husi instituisaun kompetente sira foti ona asaun ba hahalok membru F-FDTL ne’e, maibe  Provedor Direitus humanus no Justisa (PDHJ) hanesan instituisaun independete  hala’o nafatin akompañamentu ba alegasaun referee.

Bazeia ba rejultadu monitorizasaun kona-ba akontesimentu iha Auhun Bekora PDHJ sei hatoó rekomendasaun ba orgauns kompeten.

Provedoria hanesan instituisaun independente iha poder hodi halo intervensaun bazeia ba lei ne’ebe regula iha statutu PDHJ artigu 24 katak PDHJ halo fiskalizasaun no lia-menon alinea (a).

Kontrolu  funsionamentu autoridade pύbliku sira, partikulármente governu ninia órgaun sira no entidade privadu sira atu haktuir funsaun no servisu pύbliku sira no bele hala’o  investigasaun ba iha violasaun direitus umanus ne’ebé sistemátiku ka luan, administrasaun ladi’ak  no konstituisaun iha artigu 151 ( latuir lei inan no omisaun) halo nia rekomendasaun ba ministeriu kompetente.

 

Presiza Informasaun

Kontaktu Lady Ximenes, Númeru Tel : 730 4260

ou Jose Tefa Númeru Tel : 735 1412 Relasaun Públika PDHJ

Notisia seluk

PDHJ Realiza Formasaun Konaba Boa Governasaun no Direitus Humanus ba Líder Komunitáriu sira iha Ermera

Ermera, 7 Jullu 2025 –Provedór-Adjuntu ba Boa Governasaun, Rigoberto Monteiro, ofisialmente halo abertura ba formasaun loron tolu kona-ba governasaun di’ak, mediasaun, no direitus umanus...

Provedoria Propoin Pontu Fokál Lokál Hodi Mellora Atendementu Keixa Iha Covalima

Covalima, 24 juñu 2025 — Provedór Direitus Umanus no Justisa, Virgílio da Silva Guterres “Lamukan”, akompaña husi Diretór Delegasaun Territoriál Maliana PDHJ nian, Domingos...

PDHJ Husu Aliñamentu Lejizlativu Hodi Proteje Direitu LGBTQI+ No Defisiénsia iha Timor-Leste

Ermera, 18 juñu 2025 — Provedór Direitus Umanus no Justisa, Virgílio da Silva Guterres “Lamukan”, subliña katak promosaun diversidade no inkluzaun—partikularmente iha relasaun ho...

PDHJ Realiza Workshop Validasaun Loron Rua kona-ba Revizaun Tinan Lima ba Planu Asaun Nasionál ba Ema ho Defisiénsia

Dili, 16-17 Juñu 2025 —Provedoria Direitus Umanus no Justisa (PDHJ), liuhosi nia Unidade Asisténsia Jurídika, Administrativa no Peskiza (UAJAP), hala’o ho susesu workshop validasaun...
Skip to content