Provedoria dos Direitos Humanos e Justiça (PDHJ), liu husi Diresaun
Nasional Boa Governasaun, Departamento Promosaun no Edukasuan, Inspeksaun Geral do
Estado (IGE) no Inspeksaun Jeral Ministerio da Edukasaun (IJ-ME) kontinua realiza
treinamentu ba Direitores Escola Ensino Baziku Central, Xefi Gabinete Apoiu Tekniku no
Professore sira iha Distrito Viqueque, durante loron tolu hahu husi loron 25 to’o 27 Agostu
2014, iha salaun Ministerio da Edukasaun Distrito Viqueque.
Provedor Adjunto ba area Boa Governasaun, Dr. Rui Pereira dos Santos iha abertura ba
atividade ne’e hateten katak, treinamentu ne’e hanesan etapa segundu tanba bazeia ba
akordu ne’ebe realiza iha tinan kotuk. Treinamentu refere nia objetivu ida atu fo
hanoin nafatin ba direjente sira edukasaun iha eskola hotu-hotu iha territoria laran, atu nune’e hala’o
servisu tuir prosedimentu ne’ebe iha, hodi nune’e bele prevene irregularidade ne’ebe ita
hotu la espera atu afeita ba ita nia a’an rasik.