pdhj loke investigasaun ba kazu ‘laivai’
Date, 14-09-2010
Ohin 14 Setembru, Instituisaun Provedoria dos Direitos Humanos e Justiça (PDHJ) haruka segunda ekipa atu kontinua sira nia investigasaun ba kazu ‘Laivai’ relasaun ho alegasaun violasaun direitus humanos husi F-FDTL iha Suco Laivai Distrito Lautem.
Alegasun violasaun direitus humanus iha kazu ‘ Laivai’ iha relasaun ba ema ida mate no ema seluk hetan kanek.
Relasiona ho dadus ne’ebe rekolha husi PDHJ husi primeira ekipa iha 30 Augosto 2010 iha fatin akontesimentu, ekipa monitorizasaun hato’o ba Provedor dos Direitus Humanos e Justiça (PDHJ) Dr. Sebastião Dias Ximenes.
No iha loron 6 fulan Setembru 2010, Provedor loke investigasaun ba kazu ne’e ho nia inisiativa rasik.
Instituisaun Provedoria dos Direitos Humanos e Justiça sei halo investigasaun no wainhira remata ona investigasaun sei hato’o rekomendasaun ba orgaun kompetente.
Informasaun liu tan bele kontaktu Lady Ximenes, Relasaun Públika PDHJ ho mobile 7304260
No José Tefa ho númeru telemovel 7351412 ka email : Jose.tefa@yahoo.com.