KOMUNIKADU IMPRENSA
Dili, Timor-Leste — 20 Novembru 2024 — Provedoria Direitus Umanus no Justisa (PDHJ) Timor-Leste, ho kolaborasaun ho Fórum Nasionál Direitus Umanus Sudeste Aziátiku (SEANF), organiza Semináriu Internasionál kona-ba Direitu Ekonómiku, Sosiál, no Kulturál (ESCR) iha Área Fronteira sira iha loron 20 fulan-Novembru tinan 2024. Semináriu ne’e, hala’o iha Dili, Timor-Leste, halibur péritu, polítiku, no reprezentante sira sosiedade sivíl nian hodi aborda dezafiu direitus umanus krítiku sira ne’ebé afeta komunidade fronteira sira iha Sudeste Aziátiku tomak.
Loke eventu ne’e, Prezidente José Ramos-Horta subliña importánsia hosi semináriu ne’e tanba krize refujiadu globál ne’ebé aumenta, hodi subliña nesesidade ba komunidade internasionál atu hametin ninia kompromisu hodi proteje populasaun sira ne’ebé dezlokadu no rezolve kauza prinsipál sira hosi migrasaun forsada. Ninia observasaun sira destaka relevánsia hosi direitu ekonómiku, sosiál no kulturál sira iha área fronteira sira, ne’ebé dala barak hetan kompromisu durante krize umanitária sira.
Semináriu ne’e organiza hanesan parte ida hosi Enkontru Anuál SEANF nian no sai hanesan plataforma ida hodi fahe prátika di’ak liu, estudu kazu sira, no esperiénsia sira entre nasaun membru sira no parte interesada sira seluk. Iha nia diskursu, Provedor Virgílio da Silva Guterres ‘Lamukan’, Prezidente SEANF 2024, destaka katak fronteira sira Sudeste Aziátiku nian la’ós de’it fronteira jeográfika sira maibé espasu vibrante sira ne’ebé riku ho interkámbiu kulturál, istória, no dezafiu sira. Nia subliña nesesidade ba esforsu kolaborativu sira hodi rezolve dinámika sosiál no ekonómiku sira hosi komunidade sira iha fronteira, hodi husu ba partisipante sira atu esplora estratéjia inovativu sira hodi hasa’e oportunidade ekonómiku sira, promove inkluzaun sosiál, no prezerva patrimóniu kulturál.
Eventu ne’e estruturada iha sesaun prinsipál rua:
Sesaun 1:
Sesaun dahuluk fornese vizaun jerál komprensivu ida kona-ba situasaun atuál kona-ba direitu ekonómiku, sosiál, no kulturál iha fronteira. Oradór sira inklui:
- Sr. Virgílio da Silva Guterres ‘Lamukan’ – Provedór Direitus Umanus no Justisa
- Prof. Anterio Benedito da Silva – Akadémiku
- Sr. Marcos dos Reis da Costa – Reprezentante Ministériu Negósiu Estranjeiru
- Sr. José Luis Oliveira – Reprezentante Sosiedade Sivíl
Sesaun ne’e modera husi Sra. Benícia Eriána Magno, ne’ebé orienta diskusaun sira kona-ba dezafiu no oportunidade prinsipál sira iha promosaun no protesaun ESCR iha rejiaun fronteira sira.
Sesaun 2:
Sesaun daruak foka ba fahe esperiénsia sira hosi nasaun ida-idak no fornese input kona-ba situasaun direitu ekonómiku, sosiál, no kulturál iha fronteira sira hosi Instituisaun Nasionál Direitus Umanus (INHRI) oioin. Oradór sira inklui:
- Dr. Atnike Nova Sigiro – Prezidente (Chairperson) Komnas HAM
- Dato Ser Mohd Hismamudin Bin Md Yunus – Prezidente (Chairperson) SUHAKAM
- Dr. Tin Maung Maung Than – Komisáriu MNHRC
- Sra. Miss Kristel Joy P. Biscayda-Armendez – Attorney CHRP
- Sra. Sayamol Kaiyoorawaongs – Komisária husi NHRCT
- Sra. Siti Altaf Deviyati Binti Ismail – Sekretária Jerál SUHAKAM nian
Sesaun ida-ne’e modera hosi Sra. Siti Altaf Deviyati Binti Ismail, ne’ebé lidera diskusaun ida ne’ebé envolve kona-ba dezafiu no oportunidade sira ne’ebé fahe iha protesaun no promosaun ESCR iha área fronteira sira.
Semináriu ne’e fornese plataforma úniku ida ba troka koñesimentu no ideia sira, ho foku ida atu haburas kolaborasaun iha rejiaun Sudeste Aziátiku tomak. Partisipante sira diskute kona-ba dezafiu sira ne’ebé interligadu ne’ebé komunidade sira iha fronteira hasoru, inklui tranzasaun transfronteirisu ilegál sira, disputa rai nian, no laiha estadu/nasionalidade, ne’ebé hotu-hotu iha impaktu kle’an ba direitu ekonómiku, sosiál no kulturál ema ida-idak nian. Sira mós ezamina papél krítiku hosi área fronteira sira hodi fasilita interkámbiu kulturál no kooperasaun ekonómika, maski iha dezafiu sira ne’ebé rejiaun sira-ne’e hamosu.
Eventu nia diskusaun sira subliña importánsia atu hametin kuadru legál sira, hadi’a asesu ba servisu sira hanesan kuidadu saúde, no hadi’a oportunidade sira merkadu nian hodi hadi’a meius subsisténsia hosi ema sira ne’ebé hela iha rejiaun fronteira sira. Semináriu ne’e mós identifika oportunidade xave sira atu hasa’e kooperasaun rejionál hodi proteje di’ak liután direitu populasaun fronteira marjinalizadu sira-nian.
Liuhusi semináriu ida-ne’e, PDHJ no SEANF iha objetivu atu hasa’e konxiénsia kona-ba importánsia direitu ekonómiku, sosiál, no kulturál, hametin kolaborasaun transfronteirisu, no fornese rekomendasaun asionável ba governu nasionál no instituisaun direitus umanus iha Sudeste Aziátiku.
Eventu ne’e marka pasu signifikativu ida atu alkansa enkuadramentu ida ne’ebé justu no ekuitativu liu ba ema sira ne’ebé hela iha área fronteira ne’ebé vulneravel, no PDHJ iha nafatin kompromisu atu avansa direitus umanus iha Timor-Leste laran tomak no iha rejiaun ne’e.
-REMATA-
SEANF (Fórum Nasionál Direitus Umanus Sudeste Aziátiku) maka plataforma rejionál ida ne’ebé halibur Instituisaun Nasionál Direitus Umanus (NHRIs) sira hosi Sudeste Aziátiku hodi promove no proteje direitus umanus iha rejiaun tomak. Instituisaun xave neen ne’ebé envolve iha SEANF inklui: Komnas HAM (Komisaun Nasionál Direitus Umanus) Indonézia nian, SUHAKAM (Komisaun Direitus Umanus Malázia nian), CHRP (Komisaun Direitus Umanus) Filipina nian, NHRCT (Komisaun Nasionál Direitus Umanus Tailándia nian) , MNHRC (Komisaun Nasionál Direitus Umanus Myanmar), no PDHJ (Provedoria dos Direitos Humanos e Justiça) Timor-Leste nian. SEANF serbisu atu haburas kooperasaun entre instituisaun sira-ne’e, hodi rezolve dezafiu sira direitus umanus nian no haforsa nia implementasaun. PDHJ hala’o knaar krusiál proteze no promove direitus umanus no governasaun di’ak hodi haburas fali justisa.
Ba pergunta sira hosi mídia, favór kontaktu:
Joana da Cruz +670 78566745
Antoninho Bernardino +670 77709837
E: media@pdhj.tl
Website : www.pdhj.tl
Facebook, LinkedIn: PDHJ Timor-Leste
This post is also available in: English