Ave Caicoli, Dili, Timor-Leste

info@pdhj.tl

  • tp

PDHJ Sei Lansa Semináriu Nasionál Direitus Umanus ba Instituisaun PNTL

PDHJ Timor-Leste
PDHJ Timor-Leste
DILI : Provedora Direitus Humanus no Justisa (PDHJ), Jesuina Maria Ferreira Gomes, MPA, iha Segunda-feira, 19/08/2019 ne’e hala’o vizita kortezia ba Quartel Gerál PNTL, Kaikoli Dili, hodi hasoru malu ho Komandante Jerál PNTL, Komisáriu Faustino da Costa. Vizita ida ne’e, nu’udar vizita dahuluk Provedora nian ba instituisaun PNTL, hodi asegura liutan lasu amizade entre instituisaun rua ne’e, hodi tau matan no fó protesaun ba direitus umanus iha Timor-Leste. “Ha’u iha dever morál hodi mai vizita Komando Jerál PNTL”, dehan Provedora iha ninia introdusaun. Liutan Provedora hateten, objetivu husi vizita ida ne’e espesiálmente atu partilla informasaun ho Komandante Jerál sobre Semináriu Nasionál ne’ebé PDHJ liu husi kooperasaun ho Unidade Assesoria Direitus Umanus ONU nian, ne’ebé sei realiza ba Komandantes PNTL husi kada munisipius. Semináriu ne’e rasik tuir planu atu realiza iha loron 19/09/2019, maibé tanba Komandante Faustino da Costa sei iha programa servisu ba diáspora, entaun semináriu ne’e sei adia fali ba loron 24/09/2019. Semináriu ne’e rasik ho tema “Hametin Protesaun Direitus Umanus ba PNTL”, ho nia objetivu atu partilla informasaun konaba PDHJ ninia akompañamentu ba membrus PNTL sira ne’ebé partisipa ona iha formasaun, nune’e mós atu fahe informasaun konaba dezafius hirak ne’ebé membru PNTL sira infrenta iha sira-nia knar loro-loron nian. Atu seminariu ne’e susesivu liutan, maka PDHJ sei komvida Prezidente Komisaun B Parlamentu Nasionál, ne’ebé trata assuntu defeza no seguransa, Adérito Hugo da Costa, Ministériu Finansas, Unidade Planeamentu husi Gabinete Primeiru Ministru, Comição Nacionál Chega no Sobrebivente balu liga ho direitus umanus. Alende ne’e, atu rona mós ideias husi péritus internasionál balu konaba oinsa membru PNTL sira bele hala’o sira-nia knar di’ak liutan, dehan Provedora. Entretantu Komandante Jerál PNTL Komisáriu Faustino da Costa simu ho kontenti inisiativa Provedora nian hodi halo semináriu nasionál ne’e, ne’ebé Komandantes PNTL kada munisipius, Unidade Polisia Fronteira (UPF), Unidade Polisia Marítima (UPM), Unidade Seguransa Polisia (USP), Sentru Formasaun Polisia, (SFP), Inspesaun Jerál da Polisia, Departementu Justisa PNTL nian, sei asina hamutuk kompromisiu ida ne’ebé hateten katak, PNTL sei respeita nafatin direitus umanus, sei kontinua halo formasaun, sei asegura protesaun ba direitus sidadaun sira nian. Alende ko’alia sobre semináriu nasionál ne’e, Provedora ho Komandante Jerál mós fahe informasaun ba malu konaba progresu no dezafius hirak ne’ebé instituisaun PNTL infrenta iha tinan 2018. Konaba relatoriu ne’e, Provedora rasik ho ninia Adjuntu nain rua akompaña mós husi Sekretáriu Ezekutivu PDHJ nian hato’o ona relatoriu annuál ba Parlamentu Nasionál hodi husu ba parlamentu atu preve Orsamentu Jerál Estadu tinan 2020 ne’ebé dignu ba PNTL, hodi sira bele dezempeña sira-nia knar di’ak liutan.

Notisia seluk

PDHJ no SEANF Organiza Semináriu Internasionál kona-ba Direitu Ekonómiku, Sosiál, no Kulturál iha Área Fronteira

PDHJ Timor-Leste - 0
KOMUNIKADU IMPRENSA Dili, Timor-Leste — 20 Novembru 2024 — Provedoria Direitus Umanus no Justisa (PDHJ) Timor-Leste, ho kolaborasaun ho Fórum Nasionál Direitus Umanus Sudeste Aziátiku...
Read more

PDHJ Timor-Leste sai uma-na’in ba Konferénsia Anuál ba dala 21 hosi Fórum Nasionál Instituisaun Direitus Umanus Sudeste Aziátiku (SEANF)

PDHJ Timor-Leste - 0
KOMUNIKADU IMPRENSA Dili, Timor-Leste – 19 Novembru 2024 – Fórum Nasionál Instituisaun Direitus Umanus Sudeste Aziátiku (SEANF) konklui nia Konferénsia Anuál ba dala 21 ohin...
Read more

GANHRI Husu Integrasaun Direitus Umanus iha Negosiasaun Klimátika COP 29

PDHJ Timor-Leste - 0
Baku, Azerbaijaun, Novembru 2024 — Aliansa Globál Instituisaun Nasionál Direitus Umanus nian (GANHRI) fó sai ona karta aberta ida ne'ebé maka'as hodi husu ba...
Read more

Provedóra-Adjunta Direitus Umanus Partisipa Diálogu Rejionál ASEAN kona-ba Direitu Ambientál

PDHJ Timor-Leste - 0
Iha loron 7-8 fulan Novembru tinan 2024, Provedóra-Adjunta ba Direitus Umanus Maria Marilia da Costa, partisipa iha Diálogu no Konsulta Rejionál: Avansa Dezenvolvimentu Direitu...
Read more

Social Networks

Facebook
Twitter
Instagram
Youtube
Flickr
LinkedIn

Relatoriu Anual

Relatoriu Anual 2024
Relatoriu Anual 2023
Relatoriu Anual 2022
Relatoriu Anual 2021
Relatoriu Anual 2020
Relatoriu Anual 2019
Relatoriu Anual 2018
Relatoriu Anual 2017
Relatoriu Anual 2016

Vaga Servisu

Konkursu ba Vaga Jurista
Resultadu final selesaun dokumentus ba pozisaun IT
Ref-PPC-76-2021-PDHJ-Chefe Departamento de Logística e IT da PDHJ
Ref-PPC-75-2021-PDHJ-Chefe Departamento de Aprovizionamento da PDHJ

Publikasaun

Relatório Levantamentu Persepsaun Públiku Kona-ba PDHJ-2024
Sumáriu Relatóriu Levantamentu Persesaun Públika-2024
Nota Etendimentu PDHJ ho MAE
MOU PDHJ HO UNDP
MOU PDHJ ho CEPAD
OMBUDSMAN Cooperation New Zeland
MOU betwen The Obudsman of Thailand

© PDHJ Timor-Leste | All rights reserved

Skip to content