Ave Caicoli, Dili, Timor-Leste

info@pdhj.tl

  • tp

PDHJ, Selebra Loron Internasional Feto Liu Husi Seminariu Nasional

newsDili– Loron 8 Marsu  hanesan loron importante ba sidadadun tomak iha mundu inklui nasaun Timor-Leste konsidera hanesan loron internasional ba feto. Tan  ne’e,  atu selebra loron importante ne’e, Provedoria dos Direitos Humanos e Justiça (PDHJ) hanesan instituisaun nasional direitus umanus servisu hamutuk  ho Asosiasaun Chega Ba Ita (ACbit) no Asia Justice and Right (AJAR) sei realiza sorumutu ka dialogu nasional entre reprezentante feto husi area rural husi distrito 13, aktivista feto iha nivel nasional, feto politikus, feto profesionais, deputadas no ministra hodi koalia konaba “Oinsa Asegura Feto hotu nia direitu iha Timor-Leste, partikularmente Feto Vitima Vulneravel ba Programa Asistensia Sosial, Saude no Edukasaun”.

Adjuntu Provedor ba area Direitus Humanos, Dr. Silverio Pinto Baptista hateten katak, atu selebra loron ne’e, sei realiza atividade koalia ba malu (dialogu) ne’ebe involve feto maluk sira hotu iha nivel rural to’o nasional ho objetivu atu koalia konaba asuntu feto maluk balu ne’ebe sei vulneravel ka seidauk hetan atensaun husi programa estado, atu hasae sensibilidade ba realidade no kondisaun feto maluk sira ne’ebe la iha kbi’it hodi asesu ba asistensia estado.

Adjuntu hatutan katak, ho diologu ne’e mos atu buka solusaun hodi hadia mekanismu asistensia social husi ministeriu televante atu asegura feto vitima hotu hetan sira nia direitu, no mos buka solusaun ba fortifika politika no lezislasaun estado hodi asegura feto vulneravel sira nia direitu.

Baseia ba kondisaun ne’e, maka PDHJ hamutuk ho ACbit no AJAR hare katak importante tebes atu tau atensaun no esforsu hamutuk hodi hadia situasaun ida ne’e, no hakarak kontribui netik  buat ruma ba buka solusaun ka hadia problema ne’e iha momentu selebrasun loron internasional ba feto.

“Ho esperansa katak iha ispiritu solidariedade, igualdade no nasionalismu ba feto faluk sira hotu iha Timor-Leste, feto maluk sira husi area rural, nasional, governantes, politikus no ministra sira bele halibur iha loron especial ne’e, hodi koalia ka troka ideia ba malu ho laran nakloke atu buka dalan diak atu nune’e feto maluk hotu bele goja sira nia direitu hanesan”. Espera Adjuntu Provedor.

Aktividade diologu ne’ebe sei realiza iha loron 8 Marsu, sei hetan partisipasaun husi Ministra Solidariedade Sosial, Vice Ministra Edukasaun, vice Ministra Saude, Secretaria Estado ba Promosaun Igualdade (SEPI) no mos Presidente Comisaun F, A no D  Parlamento Nasional.

Aliende ne’e mos, iha painel ida husi PDHJ, husi Presidente Grupo Mulheres Parlamentar Timor-Leste (GMPTL) no mos ida husi  Ativista Feto.

 

 

Presiza Informasaun Kontaktu

Lady Ximenes, No Telemovel 7730 4260

 ou Jóse Tefa 7735 1412 ou 3331071.   

Notisia seluk

PDHJ Delega Ofisiál Superiór sira ba Programa Hasa’e Kapasidade Direitus Umanus nian iha Índia

New Delhi, Índia, 9 marsu 2025 - Provedoria Direitus Umanus no Justisa Timor-Leste (PDHJ) delega funsionáriu superiór na’in haat hodi partisipa iha Programa Empoderamentu...

PDHJ Haforsa Kompromísiu Globál ba Direitus Umanus no Igualdade Jéneru iha Enkontru Anuál GANHRI

Jenebra, 12 marsu 2025 - Provedór Direitus Umanus no Justisa (PDHJ) Timor-Leste reafirma nia kompromisu ba igualdade jéneru no protesaun ba direitu feto no...

PDHJ Hetan Akreditasaun Estatútu “A” husi GANHRI, Hametin Komitmentu ba Direitus Umanus

Jenebra, 11 marsu 2025 - Provedoria dos Direitos Humanos e Justiça (PDHJ) ofisialmente hetan re-akreditasaun ho estatutu “A” husi Aliansa Globál Instituisaun Nasionál Direitus...

Timor-Leste Partisipa Enkontru Rede Direitus Umanus CPLP iha Jenebra

Jenebra, 10 marsu 2025 – Delegasaun Provedoria Direitus Umanus no Justisa Timor-Leste (PDHJ) marka prezensa iha eventu importante rua Rede Direitus Umanus CPLP nian,...
Skip to content