pdhj simu funsionariu foun 32

Date :  03-05-2012

Dili – Provedoria dos Direitos Humanos e Justiça (PDHJ) hanesan instituisaun independente ho ninia funsaun atu proteje no promove direitus humanus no promove boa governasaun iha nasaun demokratiku ne’e, aumentan tan funsionarius publiku foun hamutuk 32 hafoin tuir rekrutamentu husi Komisaun Funsaun Públiku iha tinan kotuk.

Provedor de Direitus Humanus no Justisa  Dr. Sebastião Dias Ximenes hateten ba funsionariu foun katak instituisaun PDHJ hanesan instituisaun independente ida ne’ebe governo hari’i atu proteje no promove direitus hamanus no prevene mal administrasaun iha administrasaun publiku.

Instituisaun PDHJ iha knar importante rua mak hanesan proteje no promove direitus humanus no promove boa governasaun, tamba ne’e husu ba funsionariu foun ne’ebe mak foin tama iha instituisaun ne’e atu hala’o servisu ho imparsialidade no responsabilidade hodi servi cidadaun sira nia direitu no prevene mal administrasaun, esplika Provedor ba funsionariu foun.