• pdhj tuir international vizitor lidership iha estadus unidos amerika

    Data, 25-11-2009

    Provedoria dos Direitos Humanos e Justiça (PDHJ) tuir Internasional Vizitor Lidership iha Estadus Unidos Amerika husi loron 31 Outubro to’o 21 Novembru 2009. Dr. Silverio Pinto Baptista, adjunto Provedor mak reprezenta Provedoria dos Direitos Humanos hodi partisipa iha programa referee. Atividade ne’e organiza husi United States Departement of State Bureau of Education and Cultural Affairs

    Dr. Silverio Pinto Baptista, Adjunto Provedor ba area direitos humanos dehan “programa ne’e benefisiu bo’ot ba ita tanba bele aprende materias foun hodi protege no promove direitos humanos”.

     Objetivu husi programa ne’e atu komprende issu kona-ba direitos humanos, direito sosial polika iha Estadus Unidos Amerika no policia (kebijakan) nasaun estrangeiro sira nian. Atu ezamina funsaun no servisu organizasaun ho issus monitorizasaun direitos humanos iha estrangeiro no nasaun laran. Nune’e mos atu enkoraja kooperasaun internasional ba protesaun direitos humanos no fó apresiasaun ba Estadu Unidos etniku, kultural, relijiosa no aleijadus no kontribuisaun ba Estadus Unidos, sosiadade no sistema politika.

    Dr. Silverio hatutan “ liu husi programa  ne’e importante  ba nasaun Timor-Leste ne’ebé foin ukun-an iha milinium foun tanba atu desenvolve politika internal hodi halo promosaun no protesaun direitos humanos iha Timor-Leste”.

    Liu tan, Dr. Silverio hateten “ istadu Timor-Leste ratifika ona tratadu internasional hitu. Nune’e atu aplika tratadu sira ne’e presiza politika husi istadu no instituisaun nasional direitos humanos PDHJ atu nune’e bele halo mata dalan hodi halo monitorizasaun ba lalaos direitos humanos iha nasaun laran”.  

     Nasaun sira ne’ebé mak partisipa iha programa ne’e mak Timor-Leste, Indonezia, Brunei, Singapura, Malaysia, Filipina, Japaun, Vietnam, Laos no Burma. Fatin hirak ne’ebé partisipantes sira durante programa vijita mak Washinton, DC, New York, Cinicinnati-Ohio, Selman/Monimery, Alabama, San Fransisco no California. Apoiu orsamentu ba partisipantes husi Timor-Leste durante viajen to’o programa remata selu husi komisaun organizora no embaixada Amerika iha Timor-Leste.

     

    Presiza informasaun kontaktu

    Lady Ximenes, Informasaun & Relasaun Públika PDHJ

    HP, 7304260 ou 333 1071