• PDHJ Vizita Vítimas Diskriminasaun Bazeia ba Relijiaun

    DILI : Iha loron Tersa-Feira, 12 Agosto 2019, Provedor Adjuntu de Direitos Umanos no Justiça ba area Boa Governasaun, Sr Miguel Pereira de Carvalho ho Provedora Adjunta Direitus Humanus no Justiça ba area Direitos Humanos, Sra Benícia Eriana Magno, hala’o vizita ba fatin konsentrasaun vítimas bazeia ba relijiaun hamutuk ema nain 22 iha Victoria Family Centre Bidau, ne’ebé mai  husi aldeia Aimerahun, suku Acumau, Postu Administrativu Remexio, Munisipiu Aileu.

    Iha vizita ne’e, Provedores Adjuntus nain rua rona vítima sira-nia lian sobre diskriminasaun bazeia ba relijiaun ne’ebé sira hasoru iha sira-nia hela fatin iha aldeia Aimerahun, suku Acumau, Postu Administrativu Remexio, Munisipiu Aileu. Vítima sira informa katak sira hetan diskriminasaun husi autoridades lokál nomos komunidade sira tamba vítima sira prátika relijiaun balun. Alende diskriminasaun, vítima sira mós hetan agresaun fízika, tratamentu ne’ebé aat no la umanu, nomos oan sira abandona sira-nia eskola.

    Reprezentante familia vítima, José de Jesus informa ba Provedores Adjuntos nain rua katak, sira sai husi uma kuaze fulan lima ona, soe hela sira-nia uma, animal hakiak, no aihoris sira iha toos laran. Nune’e sira hakarak fila fali ba sira-nia hela fatin, hodi hala’o atividades agrikultura hodi kontinua sira-nia vida moris hanesan baibain. Tanba ne’e, vítima sira husu PDHJ atu sai nu’udar mediador hodi fasilita sira hasoru malu ho autoridade públiku iha Postu Administrativu Remexio nomos autoridades igreja sira, hodi buka solusan ba prosesu reintegrasaun vítima sira ba sira-nia moris fatin. Maske nune’e, Reverendo, Zélio Marcal ne’ebé durante ne’e tau matan ba vitima sira hato’o ba ekipa PDHJ katak, vítima sira hakarak fila ba sira-nia hela fatin, maibé laiha garantia seguransa ba sira.

    Depois de rona tia lian husi vitima no parte relevante sira, PDHJ informa ba vítima sira katak PDHJ sei tenta ho máximu possivel hodi fó solusaun ba problema ida ne’e liu husi dalan ne’ebé iha, tantu dalan legál nomos dalan diálogu ou mediasaun. Mediasaun ne’e sei envolve autoridade administrativa no polisia lokál sira, no igreja nivel lokál. Husi nivel nasionál, sei involve mós Polisia Nasionál Timor-Leste, Ministériu Administrasaun Estatal, Ministériu Solidariedade Sosiál no Inkluzaun, Ministériu Edukasaun, Sosiedade Sivil, nomos autoridade públiku sira seluk, enkuantu PDHJ sai nu’udar mediador. Provedores Adjuntu sira mós hatutan liutan katak, Konstituisaun RDTL artigu 16 númeru 2 esplika Labele halo diskriminasaun ba ema ida tanba nia kulit, nia rasa, nia estadu