• Provedor Adjunto Rigoberto Monteiro Sai Orador Iha AICHR Consultation on Human Right Index


    Jakarta : Loron, 29-30 Abril 2024, Provedor Adjunto Boa Governasaun, Sr. Rigoberto Monteiro, partisipa no sai orador iha AICHR Consultation on Human Right Index ne’ebe hala’o iha Hotel Aryaduta Village, Karawaci, Bantend Indonesia.

    Objetivu husi seminariu ne’e, atu apriende husi peritu kona-ba indikador ba survey sira relasaun ho direitu umanu. Nune’e tuir mai AICHR bele dezenvolve mekanizmu ba Human Right Index iha rejiaun ne’ebe tuir mai bele adopta ba human right index nasional.
    Aliende rona peritu sira nia aprezentasaun Seminariu ne’e mos parte ida hodi fahe esperiensia husi instituisaun direitu umanu nian iha rejiaun sudeste asiatiku ne’ebe dezenvolve ona human right index iha sira nia nasaun.

    Iha seminariu ne’e, Provedor Adjunto Rigoberto Monteiro, koalia iha sesaun daruak kona-ba Sharing Experiences of National Human Rights Institutions in Southeast Asia on the Existing Initiatives on Human Rights Index hamutuk ho reprezentante KOMNAS HAM Indonesia no reprezentante husi National Commission on Human Rights of Thailand (NCHRT).

    Entretantu ba Timor-Leste no liuliu ba PDHJ dezenvolvimentu mekanizmu ba Human Right Index ne’e importante, nune’e iha futuru PDHJ ou entidade relevante sira iha Timor-Leste bele hahu ona halo survey ka peskiza ruma relasaun dezenvolvimentu direitu humanu iha Timor-Leste no bele hamosu indikadores sira human right index iha Timor-Leste.

    Seminariu ne’e rasik loke husi Chairman no reprezentante AICHR Laos H.E. Ambassador Yong Chanthalangsy no Ibu Wahyuningrum, reprezentante AICHR Indonesia.