• Provedora Adjunta Direitus Umanus Partisipa Enkontru Jerál Anuál CBRN-TL 2024 Iha Salaun CNE


    Dili: Loron, 30 Abril 2024, Provedora Adjunta Direitus Umanus, Sra. Maria Marilia X. C. de O. da Costa, Partisípa enkontru Jeral Anuál CBRN-TL 2024 ho topiku “Harii Rezilensia No Haforsa Komunidade liu-liu Feto no Labarik Feto ho Defisisensia,” inklui lansamentu relatoriu Anuál CBRN-TL 2022-2023.
    Iha intervensaun Adjunta nian hateten, Provedor de Direitos Humanos e Justiça (PDHJ) harii ho baze Konstituisaun Répúblika Demokrátika Timor-Leste (KRDTL) Artigu 27, nu’udar órgaun estadu ida ne’ebé hala’o knaar atu haree no buka hatán sidadaun sira-nia problema hasoru podér públiku, hodi haree entidade publiku sira nian hahalok tuir duni lei, no halo prevensaun hodi haburas justisa iha rai doben Timor-Leste. Nomos Artigo 8 Estatuto PDHJ “garante Ema ho Defisiensia  bele hetan benefisiu husi knar sira ne’ebe PDHJ hala’o.
    Alende ne’e, Kongratula ba CBRN-TL nia existensia durante tinan 10, atu hateten PDHJ mos servisu hamutuk ho Organizasaun Ema ho Defisiensia sira hanesan ADTL, RHTO, KDT-TL no sira seluk no integra ona sesaun ida ba Ema ho Defisiensia nian ba Manual Formasaun ne’ebe durante PDHJ utiliza hodi fo formasaun ba entidade sira. PDHJ nakloke ba parte hotu, atu simu keixa, halo investigasaun no halo protesaun ba direitus humanus iha ita rain.
    Eventu ne’e realiza hosi CBRN-TL no apoiu maximu hosi OXFAM, USAID no The Asia Foundation Timor-Leste. Eventu ne’e realiza iha Salaun Apuramentu CNE, ho partisipasaun hosi OXFAM Timor-Leste, The Asia Foundation Timor-Leste, PDHJ no SEI.