Provedora Direitus Umanus no Justiça aprezenta Planu OGE 2020 ba Komisaun A, Parlamento Nacional

Dili: Provedora Direitus Umanus no Justiça, Dra. Jesuina Maria Ferreira Gomes, MPA, akompaña husi Provedor Adjunto Boa Governasaun, Dr. Miguel Pereira de Carvalho, Secretario Executivo, Xefi Gabinete, Inspetor, no Diretores Provedoria dos Direitos Humanos e Justiça (PDHJ) sira, iha Kuarta-feira loron 6 Novembru 2019, partisipa iha audensia ho Komisaun A Parlamento Nacional, hodi halo aprezentasaun konaba ezekusaun Orsamento Geral do Estado (OGE) PDHJ ba tinan 2019 nian, no aumesmu tempu halo aprezentasaun konaba Planu Aksaun Anual no Proposta OGE PDHJ nian ba tinan 2020.

Tuir dadus “freebalance” ne’ebé PDHJ asesu iha Portal Transparânsia nian hatudu katak, ezekusaun OGE PDHJ nian ba tinan 2019 atinji ona 68.4%, husi total orsamentu $1,968,032.00, ne’ebé kompostu husi Salariu e vencimentos $721,896.00, Bens e servicos $977,602.00 no Capital minor $268,534.00.

Iha planu OGE tinan 2020 nian, PDHJ aprezenta proposta orsamentu tuir tetu orsamentu aprova husi Governo ho montante $2,130.681.00, ne’ebé kompostu husi Salariu e vencimentos $867.428.00 no Bens e servicos $1,213.253.00, no Capital Menor $50,000, ne’ebé aprezenta ona ba Komisaun A Parlamento Nacional iha Kuarta-feira loraik.