Ave Caicoli, Dili, Timor-Leste

info@pdhj.tl

  • tp

Staf PDHJ Tuir Treinamentu Monitorizasaun Direitus Humanos

Data, 17-08-2007 

Provedoria dos Direitos Humanos e Justiça (PDHJ) hahu iha loron 20 to’o 31 Agostu sei realiza treinamentu kona-ba monitorizasaun direitos humanos iha Hotel Vila Verde Caicoli Dili. Treinamentu ne’e partisipa husi staf Provedoria dos Direitos Humanos e Justiça (PDHJ) divizaun direitos Humanos, parseiro servisu sira husi NGO ne’ebé servisu iha aria direitos humanos no estudantes volontariu sira hamutuk ema nain 25. Treinamentu ne’e sei fahe ba fase rua hanesan fase teoria no pratika.

“Adjunto Provedór Dr. Silverio Pinto Baptista hateten katak liu husi treinamentu ne’e atu hasae kapasidade no kuiñesimentu enjeral kona-ba direitos humanos no espesifiku kona- ba oinsa atu hala’o monitorizasaun ba direitos humanos no oinsa hakerek relatoriu kona-ba monitorizasaun ne’e rasik”.

Materia iha treinamentu ne’e mak hanesan definisaun no objetivo kona-ba direitos humanos, prinsipiu baziku direitos humanos, ambitu monitorizasaun, halo planu atividade monitorizasaun ida ne’ebé konkretu, relatoriu no plenario, ablidade kona-ba relatoriu. Alien ida ne’e monitorizasaun kona-ba fatin no inventu hanesan eventu IDPs (ema deslokadu Interna), fatin detensaun, fatin manifestasaun nune’e mos sei hala’o atividade pratika monitorizasaun nian ne’ebé sei hola fatin iha kapital Dili.

“Adjunto ba area direitos humanos ne’e dehan liu tan katak liu husi treinamentu ne’e bele espera katak partisipantes sira iha treinamentu ne’e liu-liu funsionariu Provedoria dos Direitos Humanos e Justiça (PDHJ) iha aria direitos humanos bele aumenta kuiñesimentu hodi hala’o knaar ho profesionalidade no imparsialidade”.

Treinadór iha treinamentu ne’e mak senhora Ruth Hugo husi Belgia. Ruth hasae kursu Majistradu lei nian no iha esperensia kona-ba halo monitorizasaun ba direitos humanos. Iha tinan 2001 to’o 2004 Ruth servisu iha misaun UNTAET no UNMISET nian iha Baucau no Dili hanesan ofisial ba direitos humanos nian.

Data, 17 Agostu 2007

Atividade treinamentu ne’e hala’o bazeia ba planu estratejia ne’ebé instituisaun PDHJ nian hala’o no tuir planu ne’ebé iha katak sei hala’o atividades barak durante tinan 2007-2009 inklui hasa’e kapasidade (capacity building) ba funsionariu PDHJ kona-ba direitus humanos. Treinamentu ne’e hala’o tanba hetan apoi maka’as husi UNDP/OHCHR, governu Irlandia no governu Novazelandia.

Presiza informasaun kontaktu
Lady Ximenes, Informasaun & Relasaun Públika PDHJ HP, 726 1843 ou 333 1071

Notisia seluk

Hasa’e Koñesimentu Direitus Umanus ba Ofisiál Polísia RAEOA liuhosi Apoiu Treinamentu Kolaborativu

Husi loron 22 to’o 26 fulan jullu, Provedoria Direitus Umanus no Justisa (PDHJ), ho kolaborasaun ho Unidade Asesoria Direitus Umanus ONU nian (UADU) no...

Estadus Unidus no Timor-Leste Halo Parseiria hodi Lansa Inisiativa Xave Anti-Korrupsaun

Komunikadu Imprensa                                            ...

Provedór Guterres Partisipa iha Fórum ASEAN Dahuluk Nian Kona-ba Liberdade ba Reuniaun Pasífika

Provedór Virgílio da Silva Guterres ‘Lamukan’ partisipa iha Fórum ASEAN kona-ba Liberdade Reuniaun Pasífika, ne’ebé hala’o iha loron 15-16 fulan-jullu tinan 2024, iha Banten,...

Provedór Husu Governu Atua Preukupasaun Públiku Kona-ba Problema Saúde

Dili, 16 Jullu 2024 - Provedór ba Direitus Umanus no Justisa, Virgílio da Silva Guterres ‘Lamukan’, husu ho urjénsia ba Ministra Saúde ho nia...