Data, 08-02-2007
Provedória dos Direitus Humanos e Justiça (PDHJ) oras ne’e dau-daun hala’o hela treinamentu ba funsionariu PDHJ nian iha area Boa-Governasaun no Anti Korupsaun iha Caicoli Dili Timor-Leste. Treinamentu ne’e sei hala’o durante fulan 6 nia laran hahu iha inisiu fulan Fevereiru tinan 2007 to’o jullu tinan 2007.
“ Treinamentu nu’udar pasu ida importante tebes atu bele hasae kapasidade funsionariu PDHJ sira nian liu-liu husi area Boa-Governasaun no Anti-Korrupsaun, hateten Dr. Amandio de Sà Benevides, Adjunto Provedór ba Boa-Governasaun no Anti-Korupsaun.”
Objetivo husi treinamentu ne’e atu hasae kapasidade funsionariu sira nian. Nune’e mos liu husi treinamentu ne’e funsionariu sira atu kumpri sira-nia papel, liu-liu kona-ba konfidensialidade, integridade no mos responsablidade, banati tuir lei PDHJ nian no pratika di’ak ne’ebé adopta universalmente.
Materia iha treinamentu ne’e kona-ba estatutu Provedór No.7/2004 no manual operasional PDHJ, no mós oinsa funsionariu sira bele komprende no atu bele halo planu nasionál ida kona-ba kombate korupsaun.
Fasilitator durante treinamentu ne’e mak Dr. Andy Felton nu’udar Assesor Internasionál ba Anti-Korupsaun PDHJ nian.
Partispantes iha treinamentu ne’e husi funsionariu PDHJ iha area Boa-Governasaun no Anti-Korupsaun kuaje ema nain 17.
Presiza informasaun kontaktu
Lady ximenes
Informasaun & Relasaun Públika
No telp 333 1071 ou no telemovel 726 1843