Ave Caicoli, Dili, Timor-Leste

info@pdhj.tl

  • tp

tuir monitorizaun pdhj, durante estadu de sitio autoridades legal kaptura ema la tuir lei no orden

Data, 27-02-2008

Provedoria dos Direitos Humanos e Justiça (PDHJ) divizaun Direitos Humanos hala’o monitorizasaun hahu iha loron 12 Fevereiro to’o ohin loron. Liu husi monitorizasaun ne’e ekipa haree situasaun liu-liu iha sela Kaikoli Dili, área ne’ebé Forsa Seguransa halo seguransa hanesan asaun forsa segunrasa sira hanesan PNTL, F-FDTL, UNPOL no FSI iha Dili laran durante Estadu de Sitio, detensaun no bairo ne’ebé identifika risko.

“Tuir Provedória dos Direitos Humanos e Justiça nia haree ba situasaun jeral durante Estadu de Sitio sai problema, tanba autoridades legal sira la implementa Lei Estado de Sitio tuir meus legais ne’ebé  iha. Tanba realidade hatudu ba públiku katak ema barak sai vitima husi hahalok autoridades legal hanesan, PNTL, F-FDTL, UNPOL no FSI ne’ebé kaptura ema arbiru la tuir lei no ordem  hanesan ema ne’ebé foin fila kalan husi Hospital no lori ba detein iha sela Polisia Kaikoli Dili” hateten Dr. Silverio Pinto Baptista, Adjunto Provedór.

 Atitude autoridade legal ne’ebé la tuir lei halo ema tauk atu ba halo tratamentu saúde iha Hospital iha tempo kalan. Tuir informasaun ne’ebé ekipa monitorizasaun husi PDHJ hetan iha sela Kaikoli Dili, kuaze detidu ne’ebé detein iha sela Kaikoli Dili laiha mandatu kapturasaun no la tuir lei ne’ebé konsagra iha Timor-Leste.

 Dr. Silverio hatutan katak “bazeia ba faktus ne’ebé iha PDHJ hato’o ona rekomendsaun ba órgaun kompetente sira hanesan Secretario Estadu Seguransa atu fó sansaun administrativa ba membros Polisia sira ne’ebé halo abuzu de poder durante hala’o nia knaar. Aumenta kuiñesimentu kona-ba Lei Kodiku Prosesu Penal ba membros Polisia tomak”.


“Alien ida ne’e PDHJ mós hato’o ona rekomendasaun ba Secretario Estadu Defeza atu fó treinamento ba membros Polisias Militar kona-ba knaar involve iha prosesu kapturasaun. Nune’e mós husu komando F-FDTL no PNTL iha area operasaun atu respeita valores direitos humanos ne’ebé konsagra iha konstituisaun” sublina Dr. Silverio.  

 

Bazeia ba Konstituisaun RDTL Artigu 27, Provedor dos Direitos Humanos e Justiça nu’udar órgaun indepedente ida iha knaar atu haree no buka hatan sidadaun sira-nia problema sakar poder publiku, atu haree loloos hahalok sira ne’ebe tuir lei no halo prevensaun no hahu prosesu tomak hodi haburas fali justiça.

Persiza informasaun Kontaktu

Lady Ximenes

Informasaun & Relasaun Públika PDHJ

Telemovel 726 1843 ou 333 1071

Notisia seluk

Provedoria Propoin Pontu Fokál Lokál Hodi Mellora Atendementu Keixa Iha Covalima

Covalima, 24 juñu 2025 — Provedór Direitus Umanus no Justisa, Virgílio da Silva Guterres “Lamukan”, akompaña husi Diretór Delegasaun Territoriál Maliana PDHJ nian, Domingos...

PDHJ Husu Aliñamentu Lejizlativu Hodi Proteje Direitu LGBTQI+ No Defisiénsia iha Timor-Leste

Ermera, 18 juñu 2025 — Provedór Direitus Umanus no Justisa, Virgílio da Silva Guterres “Lamukan”, subliña katak promosaun diversidade no inkluzaun—partikularmente iha relasaun ho...

PDHJ Realiza Workshop Validasaun Loron Rua kona-ba Revizaun Tinan Lima ba Planu Asaun Nasionál ba Ema ho Defisiénsia

Dili, 16-17 Juñu 2025 —Provedoria Direitus Umanus no Justisa (PDHJ), liuhosi nia Unidade Asisténsia Jurídika, Administrativa no Peskiza (UAJAP), hala’o ho susesu workshop validasaun...

Provedoria no Prezidente Autoridade Ermera Halo Abertura ba Treinamentu kona-ba Boa Governasaun no Anti Korrupsaun

Ermera, 11 juñu 2025 – Provedór Direitus Umanus no Justisa, Virgílio da Silva Guterres “Lamukan”, no Prezidente Autoridade Munisípiu Ermera, José Martinho dos Santos...
Skip to content