Dili : Uniaun Europeia (UE) fó apoiu orsamentu Euro 74.316 ba Provedória Direitos Humanos e Justiça (PDHJ), atu halo monitorizasaun ba prosesu kampaña no Eleisaun Parlamentar Antesipada.
Apoiu ne’ebé UE ba PDHJ liu husi akordu ne’ebé ofisialmente asina husi Embaixador UE iha Timor-Leste, Dr. Alexandre Leitão no Dr.Silvério Pinto Baptista iha sala enkontru Biblioteka PDHJ Caicoli-Dili, iha loron 18 Abril 2018.
Provedor Dr. Silvério Pinto Baptista, fó agradesimentu ba UE, tamba oferese ona orsamentu atu bele monitoriza prosesu kampaña no Eleisaun Parlamentar Antesipada ne’e. Orsamentu ne’ebé Uniaun Europeia oferese PDHJ uza ba konvustivel kareta, sosa kamera lima atu halo dokumentasaun no nesesidade sira seluk.
Iha fatin hanesan, Embaixador Uniaun Europeia iha Timor-Leste, Dr. Alexandre Leitão hateten, Uniaun Europeia hatudu nafatin ninia kompromisiu atu uza orsamentu eleisaun parlamentar tinan 2017, hodi fasilita observasaun no akompaña eleisaun antesipada to’o remata.
“Maske parte PDHJ la relata delalla kona ba kuantidade osan restu ne’ebe Uniaun Europeia oferese atu fasilita observasaun iha eleisaun antesipada, maibe total orsamentu ne’ebe Uniaun Europeia oferese iha atividade monitorizsaaun ba kampaña politiku no votasaun ba Eleisaun Parlamentar Antesipada hamutuk Euro 74.316, ” informa Alexandre Leitão.