• Desiminasaun Kna’ar PDHJ ba Funsionariu PN

    Dili – iha loron 17 Fevereiru 2017, Provedoria dos Direitos Humanos no Justisa (PDHJ) liu husi Diresaun Promosaun, Desimina kna’ar Provedoria nian ba funsionariu foun sira iha orgaun lejislativa ne’ebé kompostu husi Diresaun Administrasaun no Finansas, Diresaun Apoiu Parlamentar no Diresaun Peskiza, iha salaun enkontru Parlamento Nasional.

    Diretor Diresaun Promosaun, Sr. Jose M. Ferreira hateten katak, atividade diseminasaun ne’e tanba konvida husi Parlamento Nasional hodi fahe informasaun kona-ba kna’ar PDHJ nian liu-liu kona-ba boa governasaun no kategoria boa governasaun ba funsionariu foun sira iha Parlamento Nasioal.

    Diretor hatutan tan katak, objetivu maka atu hasa’e konhesimentu ba funsionariu sira ne’ebé haknár a’an iha Diresaun Administrasaun no Finansas, Diresaun Apoiu Parlamentar no Diresaun Peskiza kona-ba kna’ar PDHJ, prosesu hato’o keixa ba PDHJ, prinsipius boa governasaun no kategoria violasaun boa governasaun.

Comments are closed.